سـُـكـر تــرف ..!

[لوعة الشوق]

السلام عليكم ورحمة الله وبركاته


صبـاحُكـمـ سُكـر .. أجمل من سُكـر قصيدتي بالطبع ..!





ياليل ماكنك أبد تفهم تراتيل العيون
شلون أجي لك مختنق أبغى تحل المسأله

.
.

وتردني خايب رجا ، تردني منك مغبون
ياليل جاوب دمعتي واترك جميع الاسئله

.
.

من الذي لي يستمع ؟ مثلك قليلٍ يسمعون
من الذي يفهم (مدى عشقى) وغيرك يجهله

.
.

أبشتكى همٍ على قلبي ومالا يعلمون
ماغير أداري دمعتى أخاف كثر البلبله

.
.

مانيب ناقص والذي أقسم بطه ثم نون *
مانيب ناقص لاتجي يمي تزود المهزله

.
.

لوني لقيت امن البشر شخص بغلاتي مايخون
ماجيت أدور مطلبي عندك وأنا مستسهله

.
.

بعثترني عاري فرح بعثرتني مني بدون ..!
كم لي أحاول أجتمع وأجيب حظي وأعدله

.
.

تقوم تنثرني ولا تعنيك لحظات الجنون
ياليل أرفق بي ترى جورك علي ما أقبله

.
.

أشوفني بعيونهم ياليل تاية ومحزون
وأنا بضحكاتي أجي والباب دوني أقفله

.
.

أشوفهم صمٌ بكمْ عميٌ وهم لا يفقهون
وأشوف حالي والقهر يزيد حجم المشكلة

.
.

ياليل وصّل هالحكي للي أبي لو مايبون
ياليل بلّغ مقصدي غاية مرامي ياصله

.
.

قله تراني مكتئب والحظ عيّا لا يصون
قله ترى موتي دنا والموت عشقي أذهله ..!

.
.

قلة ترى للحين عنه الناس بعيوني يجون
قلة ترى من جاء بيسأل عنه اني اخذله

.
.

وأقول هو خل وغلا هو روح وعيون وجنون
هو دم يسري بناظري هو حب قلبي يحمله

.
.

هو أغلى ماعندي أنا من بعده الغالي يهون
هذي ابساطه حالتي .. لاتكثرون الأسئله

.
.

وأخفيه في صدري ولا أعرّض السيرهـ ظنون
والـقـال والـقـيل الذي بـه ينتهي للأمثله

.
.

ياليل خذني من يدي مليتها هذي الطعون
نزف الجراح الباكية يامن يجي لي يغسله

.
.

وأسمع هسيسٍ فـالدُجى والصوت مخنوق مغبون
وآآهاااات أشعـر حـرّها بخطوات جرحٍ مُثقله

.
.

وقّفْ .. معي له كلمتين/ وآخر المعنى شجون
وقّف أنين الناي ينزف ، جرح عمرٍ أرذله

.
.

يا (مآكل السكّـر ترف) ، لاتامن العله عيون !!
يا (مآكل السكّـر ترف) ، لاتامن العله عيون !!

مسباح حظك مجتمع ! نثرهـ ترى ما أسهله !
مسباح حظك مجتمع ! نثرهـ ترى ما أسهله !
.
.

* سورة طه وسورة القلم

لكمـ كل الأحترامـ
لوعة الشوق



14/6/1429