أسرج اذانـــك ..

[مؤيد الغريبي]

إهداء ..!
.. إلى من يمشي بالأرض ضارباً ,,. بعصى الأعجوبه .. حوانيت الفضاء ,.,. .. كنت على موعد معه ذات صدفه ,... ولم يأتي .. !! .. ثمة اشياء تنتظرك ,,. يا هيثم .. أنا بإنتظارك .. !!

ولو من خلف الماسنجر .. سأبقى الأبواب بيني وبينك مفتوحه .. ومن يجرؤ غيري على اغلاقها ..,..

له / لكم / لها / لي ..

قبل النسيان وقبل ان تطوي الظروف مدادي ! ..

البارحه .. مدري ! .. من اللي يعاني
............. أنا بهم .. الناس .. والناس ما جات

وش عاد .. باقي .. يا نهاية زماني
............ إلا انا وحاجات .... ماهي بحاجات

قال : التفاني .. قلت وين التفاني
........... وأنا اشوف الناس بالناس ... تقتات

ايـه .. يا سرّ الكلام .. بلساني ..
.......... ايه يا وضح .. الشعر فيه .. بالذات *

الشعر : حاجه ما تعدت كياني
......... الشعر : خاطر يجبر .. الذات للذات*

لله درّ الحزن .. كانه .. خذاني
........ واللي خذاني له ... ابقتله .. بابيات

ذاك الوداع اللي ابيه .. وعصاني
........ له مني .. عقد ودرّ ورد ... وتحيات

ارجع اقول اللي دعاني نساني
........ واهدي فراق اليوم احلى ابتسامات

اصدق من اللي لا قراني قراني
........ واكذب من الضحكه على وجه شمات

هذا صديق الروح والشعر ثاني !
........ اخوتة .. تلغي .... جميع .. العلاقات

يبقى ذبول الورد .. بين المحاني
........ كبّه دخيلك .... ملح من بين الاوقات

وان قالوا اني مت .. قله عشاني !
....... ما جاب غير الصدق وان راح مامات

الحلم واضح .. بأستماتة جناني !
....... ما قلت لك شاعر .. وفيني علامات !!

إنسان ماله ظل .. والنور جاني
....... زاح الظلام .. ونام وسط المرايات !!

يبشر بعزه ذاك .. اللي نخاني !
....... من وسط صدره قلت يا هم هيهات !!

خل همّك بصدره وسمّه أناني !
....... انسان شال الهم لا تقول له .. هات !

واذا انت تبحث بالقصيده معاني
...... اسرج .. اذانك لي .. واستقبل الآت

شاعر يعيش الحلم وسط الاماني
....... ولا سكّر الواقع عيونه .. ولا بات !

واليا نشدوا عني .. ووينه مكاني
....... قلّه هنا .. وحاول تفك ... العلامات



: )