اناجى طيوفك

[بركان بن رجا]

[POEM="font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

لا غبت عن عينى أناجى طيوفـك=الله يعين القلـب ساعـة غيابـك
أرجوك لا تشهر بوجهى سيوفـك=كـل العـذاب يهـون الا عذابـك
بعد الوصال اليوم لحني عزوفـك=ضامي غلا ماحولـى الا سرابـك
غايب وأنا حلمى ورجواى شوفك=لامن حضر طاريك يبرق شهابـك
عسى الغلا اللى حاف قلبي يحوفك=ونفس الغرام اللى سطابي سطابك
والله لا تقهـر عشانـى ظروفـك=وتبيع كل الناس وتصـك بابـك
واصير محبوبك وروحك وشوفك=بين الظلوع العوج بصمة هدابـك
ولوك بشر بتصون ماضي حلوفك=يومك تعلي الصوت أهلا هلابـك
بأنشد جفاك العذب بأجمل حروفك=ماعاد لى شفٍ بحضـرة جنابـك
ترى الخفوق اللى تعوفه يعوفـك=ضيعت بالهجران زهـرة شبابـك
جمر الغياب ولا ملامس كفوفـك=جعل الندامه فى حياتـك زهابـك
مات الغرام اللى سكن وسط جوفك=وفوق جثمانـك ينعّـق غرابـك
بومك دليلك وأنت تندب حسوفـك=مسكين ياماضي ولا أحدٍ درابـك
باعوك ناسك وأنولد فيك خوفـك=فاحت عطور المسك لحظه ذهابك
مزن يهل بحب يرفـض كنوفـك=سبحانه المعطى كشف لي كتابـك
غدر وخيانه وكذب أغلى ضيوفك=وتبقى سجين الكذب تطرد سرابك




[/POEM]

بركانــ بن رجــا