أيُّ حُزْنٍ .... ؟!

[عبدالعزيز محمد المالكي]

أغنية للمهجر
شعر : جمال الشقصي

================================================

سـمـا الـوحـده .. فـتـات الأرض
.............و اغـامـر ؛ و الـمــدى وحـــــده
حـقـيـبـه للـسفر/ مـن فــرض
..............أراضـيـي .. شُـنــط خــــرده !!
.
.
.
و

ا

ص

وّ

ت

لك ..

تعبت مْن البكي يا امّه !
حزن معتوه لو تدرين يا أمي الوطن فيني !!

لو البيبان تتشـابـك
............لو الجدران لحظة شـوف
تشوف غيابك / ايابك
..............تحس المهجر / المألوف

وتتكوّم على سيرة فلج طينك ..
وترجع ثاني تتكوّم ..
( يِحت ّ ) البرد / تشرينك ..
يطيح اليابس بْحينك ..
وتقرع ساعة الحايط بـِ صرخـة آآآآآآه !!
أبي أرض المطار ألحين ؟!!
أبي الرجعه بأوشك حين ؟!!

يقولون المنافي / المهجر / الغربه / ألم و بعاد ...
.............. يقولـون : الـوطن لحظة ْ تْغيبه ينفطـم مـوتـك
وانا اقول الفراق السرمدي : دمّك يصير بْلاد ...
.............. و عشان انك تِقبلّها بوفــاك .. تْصـادر بْيوتك !!
تغور جْراح في قاع الحنايا .. و تبشر الأوغاد ...
.............. ترى مهما الوطن جاع إشبعه من صرخة سكوتك !!

أقوم مْن الغبش .. مجروح !
و اناظر من ورى صُفَر الستاير صبحي المبحوح ..
كرهت أفرش بطاولتي شغب ربعي
تعبت آكل مع خبزي وطن مذبـوح !!
واذاكر ما يرسّبني ..
نجحت .. براسبٍ ممـدووووح !!!!


(2 )

عشان أرتاح ...
زرعت بدفتري المكسور / غصن جراح !
أنا المعجب بحزني لو يوقفـني ..
و لا ارغبني بْجدارة / طـاااااح !!!

شـ اسوي بالقلم .. ما يـفـهـم أعـيــادي ؟!!
.............. (جـمال) و لا عـرفــت أقـرانـي الأجـمــل !!
أحس بطعنة الوافيـن .. مــيـــــــلادي
.............. أحس بدون طعنه داخــلـي .. أفـــشــــل !!

و تـقــرووووووونـي ...
رتابة غايب ٍ / منفى
منافي ترتب / ج ن و ن ي !!

أفك أزرار كعكة مولدي .. باكر ؟!!
.............. أو الباكر لبست الموت في كعكه ؟!!
شموع كثار .. لا أدري .. و لا فاكر
.............. و حتى الشمع من عيدي يبي الفكه !!


(3)

مطــاراتــك .. و تـَذكِــرتك
.............. تـَذكـّــرتـِـك مـطـاراتـك
تـعــــال اقـسم لي ذاكِـرتـك
.............. أبـي نـاتــج مـســافاتـك !
يـجـوز الـقـسـمـه نـاذِرتـك
.............. جــوازات لـبـقــا ذاتــك
بـتـعرف يــوم طـايــرتـك
.............. بـأن الأرض .. مـأسـاتـك !!!

حبايب طينك الملزوق بفراش السهر .. راحوا
كذا راحوا ..
بـلا بكره تجيهم بال .
بـلا رجعتْكـ .. و ارتاحوا !!!!
و ش اللي قاله الفانوس لاهدابك ؟!!
و ش الدرج الذي ماليه باحبابك ؟!!
وش انته .. و الحنين الصرف ؟!!
أيا مْهاجر ..
رح افتح شرفـة الغربه من الآخر ..
و طيّح شوقك / ترابك !!
يبونك كل ليله تسرد الأرحام ..
يبونك .. تكتب القلعه ..
وشطّ انهارك العرجا !!
يبونك ..
ما يبونك تعتقد حزنك ..
ولا تنطق بِطاعونك !!!!

هلي .. مليت من وجهي على ركعــه !!
.............. هلي طاحت على (الموكيت ) طاولتــــي !
بـــلادي مـا رضت تهديني الرجعه ..
.............. وهـي صــارت بـدال ( المنهج ) أسئلتي !!
من الواقف ما بيني و بينها دمعـــه ؟!!
.............. من اللي سيـّل دموعي بمرجـلـــتـي ؟!!!

و ينسـونك ...
ولا تنسـى من بْلادك شبر واحد !
وينفونك ...
ولا تنفي من السيره سطر جاحد !!
و ي ر م و ن ك ...
وتلقف في حضن منفاك / كل واحد !!!!

يجونك بالوضوء .. و بالصلاه .. بحصة دروسك
.............. يجـونك بالكتب .. بالخطـــوه الأولى .. و تتبسّـم
وتتبسّم .. و تتبسّم .. و تتبسّم .. و هو موسك !!
.............. شِف اش كثر انجرح نابك من الجـافين .. ما تعلم ؟!!
تهجّرنا ؛ ولا أرض ٍ رضت بعد العنا تبوسك ...
.............. نبوس الأرض .. كن الأرض .. هذي الأرض تتندم !!

و لا تهتمّ ...
ترى كل الثرى باكر .. مقابرنا ...
ترى الدنيا .. فرح مأتم !!


(4)

و تتنبأ ...
بعد يومين ..
خمسه ..
عشره ..
بترجع ..
و اذا ما عدت ..
أكيد بيتصل صاحب ..
وتقعد طول مدة غربتك بـالأرض ..
وتتوسل يرن الباب ..
أو الهاتف .. يجيب أحباب ..
تبي ضحكه لطول العازب / الشاحب !!

يِدَق ّ الباب .. أو يكسر أحد هالباب !!
.............. دخيل البعد يبعث لي أحد صــوبـي
دخيل الوقت .. لو يملا عراي ثيـاب
.............. قرفني سكوتي ومللّت بشحـوبـي !!
حزين أكثر من خيـانه / من الأنساب
.............. و ابي طعنه ؛ و لو من كف محبوبي !!
على هدومي رميت العطر بالاغراب ..
.............. و لا فالح بدمّ العطر من ثـــوبـي !
مـصيبه رحت للغربـه وانا كذاب ..
.............. أنا الغربه تجيني بدعـوة دروووبي !!
ترى لو قيل لي يا أرض منك تااااب ..
.............. أبيك تخبريهم : بـعـدك ذنوووووبي !


(5)

يكفّينا ؟!!!
زهقنا دلة القهوه من الشارع ..
نبي فنجان أهالينا !!

نبي عْماهـه تـمـر بـشـارع الـمـهـجـر
.............. نـبـي شـايـب / عـجـوز نـقـبـّـل أكـتـافـــه
صـبـاح ولـيـل و الـبوم الـصّور خنجر !
..............كإنـه ينحـر بـْـنـظـراتـنــا خـْــرافــــه !!

أحد شافك على فراشك ؟!!
أحد حسّك وقلبك يشبه غْراشك ؟!!

نعم .. واجد ..
جروحك
نزفك
وْ
شاشك !!


دفاترنـا مـلـيـنـاهـا حروف / قــلـوب
.............. و عـلى طـول الـسـتـاير راسم الخلجـــان
إذا نـفـضـى دقـيـقـه واحده .. يـا دوب :
.............. جرينا للغـرف و نـقـبّــل الـبــلــدان !!
هلا أمي /. أبوي /. اخـواني /. المحبــوب
.............. أنا طـيّب و ينقصني أجي .. ولهــــاااااان ؟؟



تـعـالـوا نـضـمـد الـغـربـه بـقـصـايـدنا
.............. تـعـالــوا للـحـمــام بْـنـبـعـث رْســـالـــه
إلى اللي همّـه بـعـيـده يــعــــايـــدنا :
.............. تـرى كـل ٍ هـنـا مـنذبـحـه آمـــــالــــه !!

توصّوا بْشي ؟؟؟
أنا هالعيد .. جابوا لي ( عساك بْـ/حـي ؟!!!)


(6)

صباح البيت وش طعمه ؟!!
جدار البيت .. وش لونه ؟!!
أنا من ضيقتي يــ امه ..
زرعت الغربه عيونه ..
قبل يومين ..
لقوني خارج الغرفه ..
على الجدران ..
على أعتاب مبنى منهدم كتفه ..
يجوز انه نسوه لخاطري عريان
أو انه يـَ بْيشابهني ..
ويضحك .. يسخر .. بحتفه !!
لقوني و في يدي صوره ..
وفي الصوره بيوت صغار
بلا اسفلت .. أو دوّار !
ضواحي ميته .. و فروع ..
من النوار
و الازهار
و الأعمار !!
انا اذكر كانت الصوره قبل لا ارحل :
بلد .. و اصحابي الأبرار !!!!!

وش اللي صار ؟؟
وش اللي صار ؟؟؟
وش اللي صار ؟؟؟!


(7)

عـلـى شـارع مـوازي للـضــفـاف الـبـــور
..............بجنب الليـل .. و الـنـــافــوره الـبــكـما
هـنـا بـابـي .. أدشـه ؛ يـنـخرع عـصـفـور !
.............. يـطيـر مْـن الـفزع مـن صورتي الـظـلمى !!

وانا افرش سفرتي باكياس ..
وانا مقبل على اللقمه ..
أناظر وحدتي .. الوحشه ..
و اذوق الأكل كـ الأموااااااس !!
شبعت دموع يالذكرى !
شبعت من العذاب أنداااااس !!!


السابعه صباحا /
متى ما التف بي المعطف
معاه التفت ّ الخطوه
مشيت الجامعه أخطف .. سهاد الساهر بقهوه !
وصلت القاعه .. ما أعرف ؟!
أو اني رحت للبلوه !
سـؤال : مْذاكر الأحرف ؟؟
جواب : الأحرف اش دعوه ؟!!!!

الثانية ظهرا /
قبال المطعم اللي ما يسلفني ..
قدرت أتغدا باظفاري ..
و حرقت لْفافه بحضني !!
الليل .. باقي العمر /


أدوس أوراق ليلة أمس .. أبي أكتب
.............. و اقول أكتب لباكر .. و اكتب الفاضي !
كذا مـرت ثلاث سنين .. و المكتب :
.............. هو الطبـاخ.. و الكواي .. و القاضي !!!

كل يوم /

يا ترى .. تـسـتـقـبـل بـلادي غـريـب ؟؟
.............. إبـنـهـا الـغـايـب ؛ و هـذا هـو يعـود
أشعراني من ضـواحـيــــــهـا قـريـب
.............. و اشـعر بـطردي مـن أبـواب الـحدود !!


(8)

بعد ما اغسل هديل الوقت ..
أحاول أبْري الأغصان
و اجيب الصمت في هيئة ملف ّ أزرق !

أحاول أقطف مْن الليل عصفوره ..
و ارتبها تحت عنواني التالي :
( تراني اشتقت !!! )
نعم .. و الله تراني تِقت ..
لكل اللي تناسوني على غفله ..
و اصف الغربه في كراستي حفله ..
أ ب ك ت ب ك م ..

حنين ٍ فاض من كل الضلوع العوج ..
غ ص ب ع ن ي ..


لو أتندّم !!
( أغدا ً ألقاك ؟؟؟) ..
وطول الوقت هـ الغنّايه بفمي ..
ولا ضافت رصيف لمقطعة همي !!
بانام أرجوك ..

تعبت مْن الكتابه لْشي .. ما يقرا
ولا لحظه عليه أطرا ..
بنام أرجـوووووك .. يا ..

د

مـّ

ي

!!!!


(9)

أبسألني :
وهم ما قد طروا حالك
وهم ما قالوا : شـَ أحوالك ؟
علامك تملي الشنطه لُعَب و عطور ؟!!
هدايا من تحف .. و طيور ؟!!

علامك لا ثقـل وزن الحقيبه .. ترمي نعـالك ؟!!
.............. علامك لا كثر فرض الضرايب .. تدفع و تدفع ؟!!
وتعلم .. ينطرك صاحب / بني عمك/ أو خوالك ؟!!
.............. وتعلم بالمطار أحدٍ بيذكر .. إنـك بترجــع ؟!!!


أبسألني :
أحد كلَف جيوبه تشتري زهره ؟؟
بـلاش الورد !!
أحد مستأجر الأجره ؟!!
عشانك جيت لديارك .. أو عيالك

أبسألني :

بلاش إنك تقول .. و تهذي .. و تسأل
.............. و خـلي فـ بـالـك بــلادكـ .. و لا تشره
تـرى هو أضعف الإيمان لو توصل :
.............. و لا فـ بيتك غريب استأجر الحجـــره !!