*.. ياصــــــــــديقـــــي

[عايد السميري]

ياصــــــــــديقـــــي
.
.

[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]والله إنك مرتفع في نظرتـي والشـك زايـل =وطيحة اللي مرتفـع ياشينهـا واكبـر مصيبـه
وانت تدري ابلغ من السيف والرمح المثايـل =والزمـان يخيـب الهقـوه ولانعـلـم بغيـبـه
دام بالترتيب حـط الاغبيـاء أهـم الأوايـل =ولاحـدٍ راضـي ولحـدٍ شايـفٍ قـدره وعيبـه
والا أنا ياصاحبي يكفيني انـي مـن سلايـل =شايبٍ كـل العلـوم الطيبـه جـت مـن نصيبـه
عن دروبه لو يميـل الوقـت والله ماتمايـل =واسمه يشرف ويبشـر بسعـده يـوم اعتزيبـه
وحلم مدري علم بالميدان واتعبـت الآصايـل =والبعيـده ياصديقـي صـارت بعينـي قريـبـه
وانت اعدك سادس اخواني وخذ كـل الدلايـل =كم وثقت وقلـت لـك علـمٍ شقيقـي مادريبـه
لكـن انـك ودك تورينـي نجـوم القوايـل =اتحداني لين راسـي مـن علومـك بـان شيبـه
كم حظنت اطعون زلاتك ولـو الحمـل مايـل =والتمس لك عذر والعالـم تقـول الكـذب خيبـه
وكم..وكم واليوم ابشرك إن واد الحمض سايل =علتـه وسميتـاً يـوم ارعـدت جابـت شعيبـه
يوم نفسك طاوعتك بصاحبك سوق الرحايـل =سوقهن والوادي اللي قلت لك لـن جـاك ذيبـه
قله إنـك ماكسبـت الا عتـب راع الجمايـل =وأن ابو الطيب رحل واللي بقـا شعـره وطيبـه
وان شرهة صاحبك لو تصبح شعوب وقبايـل= أمسـت بليـلٍ علـى قـول المثـل ماينسريبـه
ليـل نسمـة مربعانيـه وتصبيحـة فعايـل =وبرق حدبٍ مرهفات يلوح فـي ساعـه مريبـه
وإني أنا اللي ضربت اطلق مثل في قول..قايل =(طيحة اللي مرتفع ياشينها...... / واكبر مصيبه )
[/POEM]

* عايد السميري