وَاللَّه يرحم زمان الشعر يابوفراس

[عبدالله سماح المجلاد]

هي جائت هكذا بدون سابق موعد قصيده قد لايفهمها الكثيرون
ــــــــــــــــــــــــــــــــــــــــــــــــــ ــــــ
[POEM="font="Simplified Arabic,5,black,normal,normal" bkcolor="transparent" bkimage="" border="inset,7,gray" type=2 line=0 align=center use=ex num="0,black""]ياصاحبي مابقى بالشعر لولو/ومـاس=اللي بـقى شوكةٍ مفقود منقـاشـهـا
وَاللَّه يرحم زمان الشعر يابوفراس =سفينته ضاع(نَوْخَذْهَاوِطَوَّاشَهْا)
لو كان للشعر قاضي (كالفضيل أو إياس)=ماَشِفْت عين الشعر تشكي من اغباشها
(ياهوه)ضاع الشعر مَا بين (فتـح وحمـاس)=والجبهه اشتدّ مدفعها ورشاشـها
وماعاد فيهـا ذهب يَامْلَمِِّعِين النحاس=والقافله روّحت ياطول مطراشها
والضوء ماعاد يملك زاويه وانعكاس=وسادات الابيات تشكي سطوة احباشها
أحلى القوافي تصيح من القهر(لاَمِسَاْس)=وعذرية الشعر تُسْبَى داخل افراشها
وحال الشعر مُزْرِيَهْ جداً وِ ِتِدْمْ الحواس=تَسَيّد الشعر(جِرْذيْهَا وِخَفّاشْها)
(خَالِفْ وَتُعْرِفْ)وصبّ المهزله وسط كاس=في غابةٍ للمرجج كَثّرَتْ احراشها
والشعرفي عصرنا الحالي يعيش انتكاس=ويطْحَنْ ضلوعه رحى نشوى ومهباشها
متجرد من/الأصل/والقاعده/والأساس=واصبح غريبٍ بِدَاخل بيئةٍ عاشها
صار اختبارات/تقويم ومساطرقياس=ومدارس النقد زاد مناطح اكباشها
والنقد أضحى ضحالة فكر،وافلاس راس=في مدرسه خاب ريّسها وفرّاشها
(هذا يبيها طباق)(وذا يبيها جناس)=وذواقة الشعر ضاقت ذرع باوباشـا
ماباقي الاّ يُحَدّدْ للقصايد مـقاس=وطيب القصيده حسب نوعية اقماشها
سِرْقَةْ قصيده بكاملها يُسمّى اقتباس=وِيْمَجّدْ الشاعراللي بالردا حاشها
وشاعر يجيك اب(قصيده)من خَيَاسْ الْ(خياس)=ويصعد بترشيح كاذبها وغشاشها
وشاعر مجونه تجاوز عربدة بونواس=ويِْقال لَهْ ذي سحابه هلّت ارشاشها
وقصيدته بنت ليلٍ ماعليهـا لِبْاس=ماعاشت الستر،بالدنيا وَلاَعاشها
الشعر أصبح بِأقدام الضَحَالَهْ يُداس=ياطى وروده(سِكَرْجِيْها)(وحشاشها)
واغصان الابداع تشكي(من ظما)(من يباس) =مَابَلَّلْ الغيث خَدّيْها وَلاَناشـها
وهامات الابداع والاحساس تُضْرِبْ بِفَاس=وتموت موت الطيور ابداخل اعشاشها
مات الشعر في حياة المبدع (ابْ)كف ياس=ورموز الابداع مرّّه ضايقٍ جاشها
ياصاحبي بالصدر ضيق وقهر واحتباس=أهديتك جروح صدري واهدني شاشها[/POEM]
أخيراً لكل من يتنفسون وينصفون الشعر أقول هل بقي في زمننا شعر يستحق البقاء
ويحظى بالإنصاف ؟؟؟؟؟؟؟؟؟؟؟؟؟؟؟؟؟؟؟؟؟؟؟؟
عبدالله سماح المجلاد