(قمَرْعُمْري)(فِزَعْ ليل الغرام)وخاف من مسـراك

[عبدالله سماح المجلاد]

[POEM="font="Traditional Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]


(وتسأل ليه )لاَ حَاوَلْت نسيانك عجزت انسـاك = لأَِنك مثل روحي بالجسد والروح تحييني
تصدّق من غَلاَتَك لو ثواني ماقِدَرْت اسلاك = أنا وشلون ابَسْلى وانت كلّك عايشٍ فيني
حبيبي وانت معزوفة غلاي وخاطري غنّاك = أنا غنيت باسمك وانت جاوبني وغنيني
وِلَوْ تَنْظُرْ بعينك شِفْت قلبي خاتم ابْ(يمناك) = وانا في طوع قلبي وين مايمشي يمشيني
(قمَرْعُمْري)(فِزَعْ ليل الغرام)وخاف من مسراك = وانا ليل الغرام وأنت بَهْ بدرٍ تِضَوّيني
ذِكَرْك المجلس اللي ضمنا،والباب،والشباك = ورصيف الشارع اللي نسلكه ويديك بيديني
وعيون الدور داخل حَيّنا اللي كنت فيه القاك = تناظرني بصمت وكنّها عنّك تحاكيني
وليل البرد في فصل الشتا اللي فيه كنت ادفاك = إلى من جيتك ارجف وانت باهدابك تغطيني
وهذاالشارع الفرعي ينادي لك وذاك وذاك = تنادي خطوتك وتقول لغيابك وحشتيني
حبيبي كل هذا اللي ذِكَرْته شي من ذكراك = بِرَبِكْ كيف بس ايطاوعك قلبك تخليني
يضيق الكون في لحظة زَعَلْك وينفرج برضاك = وانا لامن زعلت ازعل معك وارضاك يرضيني
كِتَبْتَك حُبْ في زرقة سماي وكل يوم اقراك = ورِسَمْتَك طيرعشقٍ عشعش ابداخل شراييني
وكثر،مااشْرَبْك شوق بنظرة اعيوني كثر،مااظماك = وَلاَ تَرْواك عيني وانت تسكن في وطن عيني
نبت وردالربيع بروض عمري يوم سقت اخطاك = على درب المحبه وابتدت مابينك وبيني
قَسَمْ باللي خذا من غيرك ايات الحلا واعطاك = فَلاَ حبيت غيرك يابَشَروانت اسئل اسنيني
واناوشلون احب وكل عرقٍ من عروقي جاك = مسيّرلك غرام وطالعٍ أمره من ايديني
وربّي كل مَامَرّت حروف اسمي بباب اشفـاك = أحِسّك تقطف اجمل وردبالدنياوتهديني
فداك اللي مضى لي من عمر واللي بقى يفداك = وفداك اللي عرفته بالعمرمن ناس غاليني
تِكَدّرني سنينٍ ماضيه من عمري ابْ(ليّاك) = وانا فيها بضاعه للألم والحزن يشريني
أناقبل التقي بك والتعاسه من هنا وهناك = تحاصرني بليلٍ يسكب الوحشه ويسقيني
أناعمري لقيته يوم عانق مركبي ميناك = وبِدَتْ لذّة حياتي يوم في عمري صدفتيني
أحبك ليه(مدري)بس اعَرْف ان العمر لولاك = مجرد شي عابر تايهه بارضه عناويني[/POEM]


عبدالله سماح المجلاد