... حمود وبو حمود ! ...||

[مُحمد الأمير]

:




بو حمود: أربط حزام الآمان حبيبي
حمود: إن شاء الله بابا
بو حمود : يدّق السيارة سِلف و يحرّك
طبطب .. طبطب
حمود: بابا , شنوو هذي الحدايد القبيحة إلي بـ الشارع ؟
بو حمود: هذيل الشَّجر الصناعي حبيبي
حمود: شنو الفايدة منهم بابا ؟
طبطب .. طبطب
بو حمود: و لا شيء حبيبي : بس في ناس بـِ يربحون فلُوس غصّب
حمود: بابا ! ليش الرّصيف كلّه أحْمَر ؟
بو حمود: ماكو ليش حبيبي بس في نااس بـِ يربحون ربعهم غصّب
طبطب .. طبطب
حمود: بابا ! ليش الشوارع ضيقة و وايد زحمة؟
بو حمود: حبيبي علشان شوارعنا قديمة و يووم سووها ما كان فيه كثر هـَ السيارات
حمود: بابا ! ليش ما نشُوف سيارات الشّرطة بـ الشارع ؟
بو حمود: حمودي الشّرطة مو فاضيين يفتروون بـ الشوارع, هُمْ بس تلقاهم بـ الأماكن الخطرة مثل : شارع الحُبّ و صوب البَحْر !
حمود: بابا دير بالك هالسّيارة بتدعمك, شِنُو عمى هذا؟
طبطب .. طبطب
بو حمود:لا بابا مو عمى بس قاعد يرضع بـ التِلفون, لا تلوومه
حمود: مو بس أهو بابا كل إلي بـ الشارع ما يطقّون إشارة وَ ...وَ...وَ...
بو حمود: عادي حبيبي عادي, نص إلي بـ الشارع مطلعين الليسن بـ الواسطة
طبطب .. طبطب
حمود: بابا ليش مطبَّاتنا فيها شوارع ؟
بو حمود: ها شِنُو ؟ شتقول حبيبي ؟
حمود: ليش مطبَّاتنا فيها شوارع؟
بو حمود: همممم
طبطب .. طبطب
حمود: ليش مطبَّاتنا فيها شوارع ؟