::::::: لا جــــديــــد ::::::::

[ثاني الدهمشي]

اتمنى قبولها فقط !!



في ليلة الجمـعة تواجهـنا وحسب الاتـــفاق
.............................كان الوعد شاطي وليل وحب يعني : "لا جـديـد"
لكني اذكــر ما تكلــمنا بـ جـمر الاشتـياق
.............................قمنا نجادل بعضــنا ونــزيد بالحـكي ونعـيد
يقول لي : لولا الهـوا ما شفت وصل ولا فـراق
............................واقول له: لولا الطـمع ما شفت من يطلب مـزيد
ويقول لي: لولا الحزن ما تشعر ان الكون ضـاق
............................واقول له: لولا الفـرح ما عاشوا الاطـفال عـيد
ويقول : وش وجه الشـبه بين المجامَل والنـفاق؟
............................واقول : وش فرق الغريب ان جيت اقارنْه بوحـيد؟
ويقول : وشلـون الصبر لا واجـهه ما لا يـطاق؟
...........................واقول : عزّة نفس كيف؟ وسـرّها في مـدّة ايـد
ويقول لي : لولا السـما ماشفت فالبـحر الزراق
...........................واقول له : لولاك ما أكـتب ولا تسـمع قصـيد
ومن قلت له هالشطر ذا شفـته تبسّـم لي وراق
...........................وقال : انت لو (كلك على بعضك عسل) تبقى عنيد
ثم قلت له : واللي رفع سـبع السماوات الطـباق
...........................ان اقرب الناس بعـدم بعـدك يكون ابعـد بعـيد
ياللي بشعرك شفت صبـحي نام والليل استـفاق
...........................وياللي جمعت النظره الحـرّه مع المـوق البـليد
وياللي أحسّ ان بين نبـرة صوتك واذني عـناق
..........................وياللي كأن ايدك حرارة شـمس وايـديني جلـيد
وضلّيت اوصّف لين شفت الفجر بأقصى البحر واق
..........................ويا سرع وقـت ابن آدم ليا كان فرحان وسعـيد
ولحظة تفارقـنا بديت اشعـر بضيقة واختــناق
.........................لكن هذي عـادتي لا راح يعـني : "لا جـديــد"



وسلامتكم كلكم ..