[ماتبقى من الحديث....ليس شعراً ]

[أحمد الطرقي]

( صفر )
ليس لهذا النص قانون جاذبيه..
يطير الفيل احياناً ..
مجرد حديث هو بعيد عن الشعر ...


( 1 )

الصيام..
ماهو بس ناكل / ننام..
الصيام..
زهد بالدنيا..وتسبيحه امام..

الصيام..
ماهو ..بـ الصمت التمام ..
الصيام..
يشهد لسانك.. ويتوضى الكلام..


(2 )

الفرج ..
باب ... والنيه دَرَج..
تطلعه خطوة بخطوة..
وما تطيح وتنحرج ..

الفرج ...
صبرك على همك بقوّهـ..
الفرج حاكم ..وجلاده مشوّهـ..
وناس بجروحك..تـفوّهـ..
الفرج واحد ولكنه خرج..
لا تلين و تنحرج ..
أتبعه خطوة بـ خطوة ...




( 2 )

الحنين ..
ناتج اليسرى على الكف اليمين..
الحنين..
مايطيح من الورق عند الخريف ..
ويدمح ذنوب الشجر في كل صيف..
الحنين
لهفة الرمضى.. لـ تقسيم المطر ..
شنطه عراقي..لعب فيها السفر..
الحنين لكل قاسي مايلين ....الاّ يلين
الحنين
دمعه الشايب على دقن السنين..




( 4 )

يا مواليف السواني..ماسواني..
......................... مخبّر.... الدنيا عن الدنيا واخبّر

كنه اللي ضاع من صدري لقاني
....................... حزّ ..في نفسه... و حلفني مـ اعبّر

دام من يضحك..كذا يضحك عشاني..
.......................صار.. من يسكت على طول.. متكبّر

ليت ما زليت...عند اللي نواني ..
....................... وليت.. ماصبرت..من يبغى..مصبّر

متعه المعنى... بتقليب المعاني..
........................ كلن و حرثه ....ولاني له.. مدبّـر

والله اني صرت .. لـ الاعلى مداني..
..................... كل ...ما وليت....لـ الكعبه... مكبّر