تمضي بنا الأيـام والوقـت سـرّاق
.................... كنّه هبوب الريـح .. مايحترينـا
مات الشعـور العذب ماعاد نشتاق
.................... ولاننتظر من غـاب يرجع يجينـا
ماعـاااد نذكر عهـد ونصون ميثـاق
.................... ولاعاد ذاك االعشق يطري علينـا
كنّا زمان الجهـل والطيـش عشّاق
................... نخلق من الأوهام وش مااشتهينا
نصبح نلـمّ النوور من كل مشراق
................... ونصبّـه بٌ فنجال .. منـه إرتوينـا
نشرب وعود الوصل للجرح ترياق
.................... نكذب نقول بـ خير مبطي برينـا
وكنا لاجـنّ الليـل والنـووم ما راق
.................... نرحـل مع الأحلااام لو ما غفينـا
نركب بساط الريح ونجـوب الآفاق
.................... على درووب الوهـم ياما التقينـا
نفتح قصور الشوق نوقف على ساق
.................. نجمع طيوف أحباب في راحتينـا
ونضمّهم للصـدر ونـذوب بـ عناق
.................... ويطول وقته لين ... تتعب يدينـا
ويهيج قااف الشعر وتجـن الأوراق
.................... نكتب قصيد الحـب لو ماحكينـا
نكتبـه لأهـل العشق .. ولكل ذوّاق
.................... نظم القصيـد العـذب منّـا وفينـا
نخلق له ألف لسان وعيون وأعناق
.................... يخضـع رضـا لاصار عنّه رضينـا
كنا زمان صغـار والصدر ماضاق
..................... مايووم شلنـا هـمّ ... وإلا بكينـا
ماخفنا فقـد وصـد وأحزان وفراق
.................... أو مـوووت ياخذ حد من والدينـا
ماندري إن الغيب مقسوم وأرزاق
................... لين إنتصف هالعمر وقتـه درينـا
بأن الزمان يدور والناس بسباق
.................... وخطّ البداية فيه .. حنّا انتهينـا
واللي بقـا من هـمّ ماعاااد ينطـاق
.................. لا هو نسانـا .. و راح عنّا ونسينا
وصرنا ندوب بصمت من نار الأشواق
..................... لكن نخـاف نقول فيه .. ابتلينـا
نخجل نقول الحين ساعات نشتاق
.................... حنّا كبـرنا حيل ... راحـت علينـا
أحلام مؤجلة
آخر المشاركات
06-20-2022, 09:37 AM
كنّا ...
العرض الشجري