دارمي

[كريم العفيدلي]

طيّب واقدر الناس صافي حليبي
وان ماوفم وياي حظي ونصيبي

طيّب واقدر الناس أعرف مكاني
وماتقيّم* الريبال* شلة الحَصاني

طيّب وطيبك زاد گلبي يامسكين
حسبت كل الناس مثلك رياحين!

طيّب وطيبك زاد بس وگتنا*ماش
ابن الأصل خلاه والحگ ولد لاش!

الطِيبة ماهي عيب لكن* خسارة
ش مربحك بفلان حگو سكارة!

..................................
سبحانه من سواك يازاكي* الأعراق
فوق الجمال انطاك طيبك والأخلاق

سبحانه من سواك فتنة من الطين
اليلمسك مفروض* مايغسل* ايدين

سبحانه من سواك سبحانه غيّوم
ايدي قصيرة بحيل ماتوصل نجوم

سبحانه من سواك* زيجك مجرة
أجمل عطور الكون شميته مرة!

سبحانه من سواك والغذى زيجك
اني عليل اليوم* ودوايه* ريجك!

سبحانه من سواك* للدنيا هوله
مثل الذهب مشغول مابيكا لولا


بعيونك الحلوات حرب الحواسم
مثل المهيب تمر هيبة و مراسم!

....................................


حطيته بالغربال واحد من اعضاي
غربالي مو مكشوم بس تيّه الراي

حطيته بالغربال نبض الگلب چان
كلمن وفيت وياه يطلعلي زيوان

غربلت ماخليت ربعي مع الناس
كلمن ذهب ظنيت يطلعلي نحاس

أمنت بيهم ليش گلبي يابهليل
هالماوفم وياك مي بغرابيل

كريم العفيدلي