مشجب الأياااام ....

[أحلام مؤجلة]

نلوم الوقت ونعلق خطانا بـ مشجب الأيـام
نبرر ضعفنا داااايم بـ قول ظروف ما ترحـم
.
ونقضي وقتنا نهرب من الواقع إلى الأحلام
عسى بـ الكذب لو صدفه نحب وشملنا يلتـم
.
وإذا شحّ اللقا نفتح شبابيك الوصال أوهام
يجوز لـ من فقد لـ الـما من الموجـود يـتيمـم
.
نعيش الكذبة البيضاء بأن اللي نبي قدااام
وبكـره يبتسـم وجـه الزمان بـ وجهنـا مرغـم
.
ولا نلقا سوا خيبة / تسوق بـ دربها الأقدام
ندوٌر لـ الفرح موعد ولـِ جروح القلب بلسـم
.
خطاوي العمر تسبقنا ، وعامٍ يقتفي له عـام
مابين الحزن والفرحه ، وبين الحلـو والعلقـم
.
نطيـح ونوقـف ونرجـع نطيـح وحظّنا ماقـام
أفـا ياحظّنا المايل متى من طيحتـَك نسلـم ؟
.
حظوظ الآدمي أرزااااق ماتشـرا ،، ولاتنسـام
كريم الله هو يعطي ، وهو يمنع ، وهو يعلم
.
لنـا آآآمال نودعهــا بـ يـد اللي أبـد مانـااام
عساه فـ يوم يرزقنا ونرضـى بالذي يقسـم
.
بـ يومٍ بـه صحايفنا تجـفّ .. وترفـع الأقلام
وعن كل الذنوب اللي جناها ضعفنـا نكرم
.
هناك نعيش مانشكي من الفرقـا ولاننضام
ويجـزا كلٍ بـ صبـره ..سعيد بـجنته منعـم



أحلام مؤجلة

‏
‏