ما قال لك انسان بأنك مب انسان
وانك ملاك اجمل من الكون واجمل
من بدر لابس من ضيا الشمس فستان
ومن زهرة ن لبست من الحسن مخمل
ماقول بك كامل اذا فيك نقصان
ودي اقول انك بهالحسن أكمل
من راقب احساسي لقى فيه بستان
واغصان ذبلى كنها شخص مثمل
ذايب عليك وكلما الزين يزدان
احتار به واحتار وش فيك أعمل
ليت الميول اللي على اعويدة البان
تجعل خفوقي في حلا الخصر يصمل
خذتي الحلا كله و لعيون برهان
ماخذتي من سحر الخوندات مجمل
انتي شعر يسوى ثمانين ديوان
وحده جزيلات التصاوير يشمل
أقدر أبوسك والله مشتاق ولهان
والشوف هيض بي ثمانين مزمل
اقرا كتاب اعيون ترضخ لها الجان
اكتاب لا يمكن على الرف يهمل
الله على وجه ن به الحسن إحسان
ان طالعه بدر العتيمات ما مل
لا تمتشين الأرض انتي لك امكان
انت الوحيد اللي على القلب يُحمل
آخر المشاركات
02-11-2018, 01:42 PM
ملاك الإنس
العرض الشجري