+

[هـيـفـااللاّفـي]

.
.

ماهـو بكيفـي يودينـي عليـك المـطـر
ـــــ واوله كثر ماتظـن انسـان يولـه عليـك
واضحـك لحباتـه المتساقطـة وانهـمـر
ـــــ مثله ، ولكن تكسـرت بكثـر كنـت أبيـك
كان المطـر ضحكتـي تلويحتـي بالعـذر
ـــــ واجمل سبب رتب انفاسي معك يوم أجيـك
واقول لـك : بلـل ايامـك تعـال انصهـر
ـــــ في داخل الما كثر مـا تقـدر وماعليـك !
إجمـع بكفـك حـروف الغيـم لاتنتـظـر
ـــــ أكثر من الغيم ، قبل يموت جـا يهتديـك !
تضحك ويضحك معاك الطير وغصن الشجر
ـــــ وتغمض عيونـك وتعقـد علـيْ ناظريـك
وتقول : (ودي أغيضك ياطويل العمـر ) !!
ـــــ واقول : طال العمر فيك ، وكبـر يرتويـك!
الغيض : لاصرت ظامي بك وجـف النهـر
ـــــ في داخلـك ، والرمِّـل يملانـي بضفتيـك
الغيض : هذا الغياب اللـي ذبـح بالصـدر
ـــــ كل العصافير فوق الغصن وهي تحتريـك !
واعيد كل التفاصيـل ، الكـلام ، الصـور
ـــــ ملامح الارض ، وجهي ، وجهتي تهتديـك
غلاك ، شعري ، جنوني بك ، ليال السهـر
ـــــ ملامحك ،ملحك، احلامـك، دفـا راحتيـك
صوتك ، صباحك ، صِباك الممتلي بالزَّهـر
ـــــ تنهيدتك لاخـذاك الوجـد ومـا يحتويـك :
الا عيونـي وهـي تلـمِّـك وتختـصـر
ـــــ كل الكلام ، الملام العذب ورعشـة يديـك
واقرا لك الشعر ، تذكر كيف كـان الشعـر
ـــــ تعيش بـه ينفضـك يتْنفسِّـك يهتويـك ؟
كأنـي احلـم ، كـأن العمـر عيَّـا يمـر
ـــــ الا معاك وعليـك ، الا معـاك وعليـك !!
عرفـت ليـه المطـر يهدنـي هالكـثـر؟
ـــــ ضاقت بلياك الأرض وضقت بالأرض فيك !!
عرفت ليه المطر موحـش وليـه أنكسـر
ـــــ أوْلَْه عليك أكثر من أول ولا اقدر أجيـك !!
.
.

فهد دوحان
.
.
لاشيء أجمل من المطر في إعتقاد أمنياتي ,,