تفاؤلية جدا !!

[مي التازي]

.
.

[poem=font="simplified arabic,4,purple,bold,normal" bkcolor="transparent" bkimage="" border="none,4," type=1 line=0 align=center use=ex num="0,black""]
ملّيت أشكّل نبرتي لحن للآه=لا اتوغّلت في جوف مزماري الريح

ملّيت أبهرج حزن للناس تقراه=و آذرّ طعم الولولة في التسابيح

و اللي بيغيب .. يغيب .. ودّعته الله=باكر وجيه تطيح مع دمعة تطيح

فلا الاحتياج يجرّ لدروبه خطاه=و ما من قفا نبكي على كتف تلويح[/poem]

.
.

[poem=font="simplified arabic,4,indigo,bold,normal" bkcolor="transparent" bkimage="" border="none,4," type=1 line=0 align=center use=ex num="0,black""]
ما بقى في الأرض لاحلامك مساحه=لو زرعت الحلم ينبت جذع خاوي

يستحيل إن مرّ به عابر لـ واحه=ينتهي صفرة / على وقع الخطاوي

فلا تكون النافخ الملهب رياحه =فما أتت إلا بما : ما كان ناوي

كبّل ّأطراف الأمل و اكبح جماحه=و اذكر ان اللي على صهوته هاوي

مدّ كلّ الأمنيات المستباحة=للأسى قربان .. تًغفَر به رجاوي

و ان عثت فضلوعك الجردا رماحه=هزّ عذق الروح .. تتساقط غناوي

غنّ حزنك لا انتحب و اكتم صياحه=بس بالك تجهض الصدق الحكاوي

بالك احساسك تخدّره الفصاحه=ما انفتن بالشعر إلا كلّ غاوي

و وصّ قلبك ينسج بعزلتْه راحه=لا عتب .. لا حزن .. لا خيبة هقاوي

و لا تكن للأرض فاحلامك مساحه=كلّها حفنة تراب و جذع خاوي[/poem]

.
.

لكم الود