مساء الـ / البنفسج
جيتك وعشت العطش في سالفة بيـرك
وحرّمت اجيك ويجي طاريك بـ/ لساني
،
عصرت روحي شعر واحسنت تصويرك
ولا لقيتـك تحـس وجـاك مـا جانـي
،
وابياتي اللي كشخت بها بـ/ مساييـرك
ما ينفعنك بعد مـا شفـت لـك ثانـي
،
بيدك فتحت القفص بـ/ اسباب تقصيرك
لين اجنحـت للفـراق المـر جنحانـي
،
انت انتهيت وخسرت بـ/ غيبتك طيرك
دور علي بـ/ السحاب ايجوز تلقاني !
،
الله يكافـي المشاعـر شـرك وخيـرك
وانسى وتناسى تراك اتعـرف تنسانـي
،
ما تنفعك نظرتـك واصـدق معاذيـرك
ويـن انـت يـوم اتمنـاك اتمنّانـي ؟
،
طويت صفحة غرامك وانكتـب غيـرك
جرب تعيش العمر لـو مـره وحدانـي
آخر المشاركات
05-05-2011, 01:05 PM
دوّر علي بـ / السحاب ايجوز تلقاني ،، !
العرض الشجري