" رح يا قَطوْ "

[أكرم التلاوي]

يا بِسّ قلي وش تسوي بداري ؟
.................. كنك تبي تاكل فلا اتدور هنيّ

بكل الدروب الواسعه والحواري
.............. ما طاح حظك لين جابك لهالحيّ ؟

غلطان يومك ترتقي من جداري
............. عطشان ؟ حتى مَيّ ما عندي المَيّ

كنك لفيت وطامع ٍ في جِواري
............... فـ/انا جواري ما يَقي عنك الغي ّ

الفقر يرزح يا قطو في مداري
............... كل الدروب اللي خَطاها تِجي لَي ّ

شفني عزيز وشوف وشلون ناري
............... الريح عجزت عنَّها وقويَتْ ايديّ

لا عجّت خيول العرب قمت أداري
......... نفسي وأداري الضي لو كان به ضي ّ

ما هو بخل يا صاحبي مير عاري
........... زود الفقر وشلون انادي بهم حَيّ ؟

يا صاحبي والله لو كنت داري
............... هم ياكلوا لحمي ذبحتني حَيّ !

لو الفقر رجّال ما سِبت ثاري
.......... ولوّه مرض يا صاحبي كنت له كيّ

رح يا قطو سيّر على بيت جاري
.............. يمكن تلاقيبه من الزاد لك شي ّ

عجّل ترى جايع وأنا إنحداري
............ خايف يسول لي على فعلة السي ّ

واخطي وأقوم وآكلك لين طاري
............... فعلي يذيع ويندثر حاتم الطيّ