شغب صباحي

[بدر فاضل]

أحبتي الغالين على قلبي لا أجد عذر لغيابي سوى قلوبكم الكبيره !
وأهديكم هذه المتواضعه واتمنى لو تلامس أذواقكم الراقيه :


[poem="font="simplified arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]مدري صباح الشعر وإلا صباحك = إلا صباحك خلي الشعر بكره
الورد لا مرك على طول فاحك = والشعر لا مرك لقى فيك فكره
بيني وبين الحب لمسة وشاحك = وبيني وبين العقل بالحب شعره
حرفي سجنته فيك وأطلق سراحك = قلت اعتقه بإ سمك ولا يموت حسره
والشعر جالك رغبته باجتياحك = إستسلمي للشعر وأهديه زهره
عصفور شعري للفراشات باحك = عن سيرة المسك بيدك صاغ شعره
ول ينسكب صوتك دفيت بقراحك = نبره تذوبني ضما وأرواك نبره
وين ألتفت وجهك يجي طفل ضاحك = يا للبراءه فيه ياكثر طهره
تدري وش أسوي إذا الشوق لاحك = أسرح مع طيوفك وأقسمك عشره
ياللي أحبك في زعلك وسماحك = أشتاق لعتابك وأزعلك وأشره
كثر التعب مشتاق أضمد جراحك = لاسولف الصمت بحزن فيه عبره
أروق شعور يمرني … إرتياحك = أنك معي ونخلي الصبح سمره
القلب بيتك والمشاعر … جناحك =كل إتجاهاتي غدت فيك قمره
يسعد صباح الشعر يسعد صباحك = الشعر يرقا فيك ويزيد خبره[/poem]


أخوكم بدر فاضل





وسلامتكم ,,

أخوكم بدر فاضل الدهمشي .