_ فـَــاح الـــْــغرام _

[سلطان الوثر]

زاوية من الصفحة لـ ضيفة الشرف
رحِّبوا بها

لا ياعلي .. لاتعنـَّـها عنـَّـك البين
...... أخاف تحرقها بنار الشكيمة

أطلق سراح الريح مكحولة العين
........ هذي هداك الله ماهي بهيمة

الإسم / شملا
مواليد /2003
المالك / صاحبكم

مـ بين لذَّة نومي وجوع الاجفان
بين الدفا والبرد وآقوم مـ آقوم

يـ شْباط خلَّفت الهواجيع باكفان
واصبح عليك الحر مُخـْـمِر كما البوم

لاصار ذيبك ياوي بجحره الجان
وش عاد انا مـ آوي كوابيس وحلوم

ياعيني اللي لك مرامي ونيشان
أبتاع لك يسراي وآشوف بك يوم

وان كانها بشرى وذكرى وسلوان
سبحان من لاتاخذه غفلة ونوم

شملا تطيب وعيني تشوف خلاَّّن
يالله عسى ماهي سواليف وعلوم

؛

فاح الغرام




جَتني جُموح/ (اْ)بلا جَناح ولاجِناح
مهرة مساء
ماهي عسيف (اْ)ولا اُسرجت
تقبل خَبَبْ
خَبَبْ خَبَبْ ,, والشوق فاح
واقبل هَذَبْ
هَذَبْ هَذَبْ ,, لين (أ)خرجت روحي وانا أظلع بظلع وظلع ناح
أرجي لقا
وترجي لقا
أرجي ورِجَتْ
تضبح تعب
واتعب ضبيح .. الليل راااح
واشهر لها
واعرج بها
لين (اْ)عرجت صهلة ملت جوفي من اوجاع وجراح
أشهق لها
لين (اْ)درجت واستدرجت
ءِبْصوت صافي/أرتجز به بانشراح
صهيل .. لجلج لجِّتي لين(اْ)فرجت

فلَّت لياليها على جفون الصباح
............ اللي نست بنتينها عنده ,, وجت




ءِبـْـلا بصر وبْلا شعور
تْشوف ! .. مدري ماتشوف !!
ءِتـْـحـجِّـل اليسرى , خَجَلْ
ءُوْ تطلق اليمنى , غَزَلْ



تزفر من الجوف القصيد
من ظلعها الملكوز , شوق

,



لانت تعب /دانت لي بخدِ وجيـد
............. قالت: تخوّفني مواعيد الخفا

قلت : اللقا يانار والفرقا جليد
........... قالت:دفا!! .. هنا دفا ..وش هـالدفا؟؟

قلت: الدفا/ في مختصر شطر القصيد/
.............. شخصين في قلبٍ من الناس اكتفا

؟
.... ؟

قالت : أفاااا يعني تشكِّكْ ياعنيد
................. وآنا لك اخلاص ووفا.. والله أفااا

قلت: اسمعي (كلك وفا) ومامن جديد
.............. هدِّي كفاية واضحكي ..جوي صفا

ودّي أعيش العشق لو ليله سعيد
............ قالت : وبكرة ياترى !! وش مالفا؟

قلت : اســــ/ـمعي (إنسي معي ) اليوم عيد
................. وبكرتك يابكرتي ..طفل وغفا

قالت وزفرات الهوى فيها تزيد:
.................... لاتبتعد .. لاتبتعد عنِّي ..كفا

قلت : بالراااحة
هدِّي على قلبك .. حَرَامْ
فاح الغَرَامْ
وتَّر شفاتك وانبلج .. عِقد الكَلامْ
أشهق مفاويح العِشِقْ
من ثغرك الصبحي .. شِفـَق ْ

بالله حرام

بخـَّــت شَغَفـْـها ثم فاح
....... واشـتمّه الخـافق ؟ .. غـرام ..!

زمَّ اللمى العذب القراح
........... وازريـت لا اتمَّ الـصيام

.