الشمري والعنزي..هذا كلام الصمايل

[سعيد العمودي]

اقيمت امسيه في مدينه الشملي بحائل قبل ايام وكنت احد المشاركين فيها
وقدمت هذه القصيده اهداء متواضع لعنزه عموم وهي اقل مايمكن تقديمه بحق اولاد وايل
وهي تحاكي مجد قبيلة عنزه المعروف
رغم ان قبيلة عنزه لاتختصر مجدها قصيده او حتى داووين
وايضا القصيده تتحدث عن علاقة الشمري والعنزي تلك العلاقه
المميزه عبر التاريخ ..اخيكم الشاعر سعيّدالعمودي
(وهنا صوتيه)


[poem=font="Simplified Arabic,7,royalblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
اولاد وايل واكتبي يادواتي=وقولوا وراي ان قلت يااولاد وايل
الشعرلويعرف حقيقه سكاتي=كان اعتذر عن مقصدي والدلايل
اني ابكتب للزمان امنياتي=مدحٍ ينومس شاعره والمثايل
عنازواستجمع بقايا شتاتي=واهدي لكم شعر السنين الاوايل
حرفٍ يسجل في صدور الرواتي=وشلون وانتم من خيارالقبايل
قبيلةٍ تجمع فريد الصفاتي=سجلها التاريخ مجد وفعايل
علمه شمخ كنه جبال السراتي=اجيال تزرع طيبها والحصايل
تاريخ بصدور الليالي يباتي=يوم القبايل بين صايل وجايل
وحنا وياهم عن كلام الوشاتي=نرقى على متن السحاب المخايل
لوعاث من حط الاشاعه مراتي=باذن الولي حنا فهمنا الرسايل
الشمري والوايلي للعداتي=عدلين لوان العقال متمايل
انشد وتلقى ماتضمه وصاتي=اخوان في حكم الوفا والجمايل
ارحام لوطال الحياه المماتي=انساب تجمعهم عظيم الخصايل
ودك تعرف ان العلاقه ثباتي=انشد اليا غادرت ضلعان حايل
دون القبايل نجتمع في سماتي=مانفترق هذا كلام الصمايل
تاريخ يشهد له كلام الرواتي=يقراه من وده يعرف القبايل
جيل يروح وجيل بالمجدياتي=والراس يبقى في سما العز طايل[/poem]