جِدارُ وْ فَحَمْ

[خالد بن محمد]

الجدار اللي حواني وفيه من الفحم

................... ذكريات الحب الاوّل تهاوى يا حرام



كنت تشهد يا جداري على عشق ازدحم

................... يوم غنّـت في ركونك من اشجاني حمام



كنت شامخ ما تهزّك سوى جملة : -
............................................... (( أحم
.................................................. ......أعْـشَـقِـكْ ،، حدّ الثماله ،،، يَــ ساره ... والسلاااام )) ..!!



ساره اللي في عروقي لها طبعة وحم

................... جلّ من حطاها فيني قبل مـ انـْـطق بـ عام



وين ببدا في هواها وهُو فيني اقتحم

................... كلّ أركاني ولمْلمْ جموعٍ من حطام



عن غلاها لو سِفَكْ ... قـلـْـبٍ وْ دمّ وْ لحم

................... ما بقول الا فداها على قلبي العظام



يكفي انْ صحراك يا خافقي فيها استحم

................... كلـّـما تمطر بصدرك لذكراها غمام



يا جداري وانت أدرى عليها ما دحم

................... لا حكي عاذل ولا من يصفـّـف لي مَـلام



من حرمني ركنك اللي تفهّمني وْ رحم

................... خاطري المجبور في أبسط اشياء الغرام



ليت ركنك قبل يُـنـْـسَـفْ على جسمي التحم

................... كنت بتهاوى معك في مُلمّـات الختام



ما بقى لي لا جدارٍ ولا حتى فحم

................... يفهم اللي يكتبه ضامري وسط الظلام




تمـّـت
خالد بن محمد