لكن يُبَه نـذر ٍعَلَـيْ إسمك بدمعي لاكتبه(عبرة طفل يتيم)

[عبدالله سماح المجلاد]

من يشاركني نفس المشاعر سيشاركني البكاء / فهذه القصيده وليدة لحظه حقيقه قرئتها في عيون إبن جاري الصغير الذي توفي أباه قبل خمسة أشهر كانت عيونه تقول مايلي في صباح العيد
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ
[POEM="font="Arial,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""](يُمّـه) أبتسوّل فرح،بالعيد(يُمّه)واطلبه=وامدّ لَهْ كفي وانا المجروح من ذلّ السؤال
(يمّـه) صباح الْجَرْح، وِلاّ الْفَرْح بي مات اغلبه=(يُمّه)صباح الدمع من عيني وِكَفّيْنِكْ رِِمَال
(يمّـه) وكيف افرح وابوي الموت عنّي غَيَّبَه=وماسدّ بغيابه (وفا عمي )(وَلاَ تطمين خال)
(يُمّـه) عَجَزْت افْرَحْ،وقوس الموت قلبي صوّبه=(يمّه)وكيف افْرَحْ وانا حزني على اغلا الناس طال
(يمّـه) وَلاَ يَعْرِفْ عذاب اليُتْم مِنْ مَاجَرّّبَه=الْيُتْم أقسى شي بالدنيا وَلاَ فيها جِدَال
أوّاه يَامَيْمَه يَامُرّ الْيُتْم (يُمّـه)وَاصْعَبَه=والْيُتْم مُحْتَل ارضي الجدبا من العام احتلال
(يمّـه)وانا البارح نِثَرْت الدمع وَانْدَهْ يَايُبَهْ=بُاكر،صَبَاح العيد ياغايب إذا تِقْدَر تعال
تعال،شِفْ فَرْحي شَنَقْهْ الوقت بَعْدَكْ وَاصْلُبَهْ=على عمود الْيُتْم يابَيّي وِتَخْنَقْه الْحِبَال
تعال،شف قلبي نزف جرحه وِفَقْدَكْ عَذَبَه=تعال،شف صدر الصغير يشيل همٍّ كالجبال
تعال،شف وجهي صباح العيد والحزن اقلبه=تعال، ناظر كيف اعيش بحاله من الإنفصال
تعال،شف جسمي طواه الويل والوقت انْكُبَه=تَحْرِقْه شمس الصيف من بَعْدَكْ وكنت انت الظلال
تعال،شف صدري كواه الجمر واشتب احْطُبَهْ=يذوب من جمر الطعون السود وسنيني اهزال
تعال،شف ريقي نِشَفْ بَعْدَك وروحي مُجْدِبَـه=تعال انا بَعْدَكْ حياتي بائسه ياراس مال
تعال شف عيني ملاها الدمع وازريت اسكبه=تقول شي ٍمَانِطَقْه ال(ساني)ان سَوْلَفْ وقال
تعال،ابَسْقِي صدرك الغالي سحابٍ يشربه=بَسْقَيْه حُرْقة عيني اليمني ولوعات الشمال
تعال،شف سَم ّالْحِزِنْ فيني وشاهد عقربه=شِفْهَا وِهِيْ من جوفها تسقيني السم الزحال
أبنتظر زولك يجي واجلس هنا واتْرَقَبَهْ=على اعْ(تِبَةْ) هالْبَاب يَاعَلّه يجي طيف وخيال
وادري (يُبَهْ) ذا مستحيل المطلب اللي أطلبه=مادام وجه السالفه قبر/ولَحَدّ/موت/وزوال
أدري يُبْه ،أدري يبه،أدري يُبَه،ادري يُبَه=إن التلاقي بيننا (يابَوْي)ضرب من الْمُحَالْ
لكن ترى نذر ٍعَلَيْ إسمك بدمعي لاَكْتِبَهْ=على صباح العيد ذا واقول عُدْت بأي حال
(يمّـه)مابين العام والعيد السنه مَابَهْ شِبَهْ=العام (بيّي) كان حي وهالسنه شدّ الرحال
(يمّـه)وضميني على صدرك هنا يَاحْبَيِّبَه =خليني انثر في ثرى حُضْنِكْ هموم وضيق بال
خليني اجرّ النفس من جوف صدري واسحبه=مادام مالي فرحةٍ تَظْهَرْ مثل باقي الْعيال[/POEM]
عبدالله بن سماح المجلاد