[ برود >> أبـعـاد << كاست ]

[صالح العرجان]

قبل الكلام يحس في معنـاه وثيابـه تضيـق
قبل الدفا يحضن دفاك و ياخذ لحضنـه دفـا


قبل الشروق يشوف نورالشمس وعيونه تفيق
قبل الغمام يـرف بامطـار المـودة والوفـا


قبل اختيار الفقد لضلوعـي يولعهـا حريـق
قبل الطفولة واليتيم اللي على الحزن انكفـى


دنق و طفى

 

[صالح العرجان]

يا سيّد الحب .. معك الحـب مامونـي
وأنـا علـى جرّتـك عينـي شقاويّـه


مجبور لا شفتني .. ماشي على هونـي
حاولت وأزريت لا أكسر قيـد رجليّـه .. ؟!

 

[صالح العرجان]

الناس خلق اجناس واشكالها اشكـال
ومن كثر أساميها يشيـب المسمّـي


بعض البني في صدرها قلـب رجـال
وبعض الرجال قلوبهـم وش تظمّـي


هذا وانـا لازلـت طرقـي ورحّـال
أزهم هبوب الشـوق وتهـبّ يمّـي


وأن حبّني عميّ علـى حبّـة الخـال
أضحك وأغنيّ بيـن خالـي وعمّـي

 

[صالح العرجان]

يوم انهمر لي حنانه باعذب لحونه
قلت الله الله صفا جوي على جوه

والله ل..احبه ولو حظي وقف دونه
مافيه قوه تصد الحب بالقـــوه

بس انتظر يازمن لين اعلن المونه
ومن بعدها اللي تسوي يازمن سوه

 

[صالح العرجان]

جيت لك من جمر الشوق متحمي
كل ماتبرد طعونــي ضمهــا


جيت لك واقصى معاليقي تومي
هــم يخطيها وهــم يخمتها


ان ضميت اشرب سواليفك بدمي
وان تثاقلت الدروب ازمتهــا


وان خذتك مني عين ماتسمي
العن الدنيا وابوها وامها .. ؟!

 

[صالح العرجان]

/
/

ابي للناس اسولف بك واقول اللي يصير يصير
واحسك سالفه لو سولفوها شوهوا زينك

حشا لو تطري الفرقا مااعدك راعي التقصير
عزاي اني ملكت بوقتها عرش اجمل سنينك

يقولون الزمان اغبر وانا اقول الزمان بخير
ما دام اللي سكن في ناظرك ما طاح من عينك .. ؟!

 

[صالح العرجان]

للاجل الغلا نطوي البيدا ونقطعهـا
مشاعـر الحـب لاعنّـت تعنينـي

لاقلت لبيه من ثغرك وانا اسمعهـا
نسيت بعد المسافـه بينـك وبينـي

ياعشقة الروح ياخيـرة مطامعهـا
شوفتك عن باقـي الدنيـا تكفينـي .. ؟!

 

[صالح العرجان]

لا مر طيفك قمت اهوجس واحاكيك
واشكي لى طيفك كثر ماهو شكانـي


واتذكر اشيائـك .. واردد اغانيـك
وابكي اذا حسيـت حظـي رمانـي


واحمّل النسمـات طيـف ٍ يناجيـك
واطلق مع ذكرااااك صهوة عنانـي


واحسّ تتسأل عـن احـوال مغليـك
واجاوبك ..تذكر مكانـي! مكانـي!!


وتقول: لي وشفيك؟ واقول: وشفيك !
وشلون ما تبغـى بعدهـا اعااانـي!


وتقول: لي طيفـي تركتـه يداريـك
واقـول: طيفـك للمهالـك حدانـي .. ؟!