عبد المجيد أبشر ..

[مبارك أبوظهير]

عبدالمجيد العنزي .. أبشر .. والله يفك عوقك .. ويسخر لك أهل الخير ..


هذي متواضعه .. أرجو أن تكون سبب من أسباب العتق .


*

[poem=font="Simplified Arabic,6,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
عبدالمجيد ابشر ترانا حـنا=ربعك وحنا مخــلفـيــن الــظــنـــّـا

لالا تضايق يالسبيعي كلش=كيف إتضايق وأنت فــي مأمــنـــّـا

والله نفكك والله إنا نفكك=بفلوس بالنامــوس مــنا ومـــنـــا

ويامبارك أبشر بالفرج من ربك=ورد الخــبر لأم الولـــيده عـــــنــا

إنه بعد أيام يرجـــع لأمــه=وبشوفته ياالــوايلي تـــتـهــــنـــا

عهد ٍ علينا والوفا عادتنا=ماكد هرجنا هـــرج ماثــمــــنــا

عشرةْ ملايينْ إعتبرها عندك=إي والله العــشـــره فلا هــمــنــا

ندفع وحنا رافعين الهامه =لعيون من يبكن وهــن ينــخـــنـا

سلم ٍ لنا من قبل صيحة حصه=نفزع مع اللي ينتخـــينا لـــــنـــّــا

من دور وايل مانرد العاني=نفك عوق اللي يجي يــــزبــنــــا

ولاني معدد فعل ربعي والله=دهامشه بـْـشيخة عقيل مـهــــنــا

فزعاتنا تبري كبودْ مغله=تاريخنا يشهد ونشهــد حـــنــــا

بنخى عنزه في كل دارْ وديره=وانخى الذي يعرق بنا حيث إنـا

ماناخذ إلا طيبات المجنا=يجي بناخـيــنــا عــريــب مجــنــّـا

عبدالمجيد أبشر فرجـْـك قريـّـب=لا لا تضايق وأنــت واحــد مـــنــــا[/poem]

*

مبارك نايف أبوظهير

 

[العـنود ناصر بن حميد]

مبارك أبوظهير

والنعم فيك وفي بني وايل

والله يفرج كربة عبدالمجيد

ويسخر له أهل الخير

 

[سلطان ربيع]

هلا مبارك

مكانك مناسب وزمانك مناسب

جعلها الله في موازين أعمالك

وأبشرك فرج الله كربت عبدالمجيد

وتم الإنتهاء من جمع المبلغ المطلوب بفضل من الله

 

[غسان الحكيم]

سلاااااااااااااااااامز


مبارك أبو ظهير

من زمااااااان عنك يا رجل ..
و كفو والله انت و لابتك ..

هذه اللفتات الانسانية ليست بالغريبة عليك..


غسان الحكيم

 

[صالح الثبيتي]

مبارك

صح لسانك

الله يفك عبد المجيد ويهون على اهله

وبيض الله وجهك على ها الوقفه اللي ما هي غريبه عليك

خالص الود
صالح الثبيتي