رافقتــــك الســـلامـة

[يوسف نايف الدهمشي]

لاتقبلوها بأعينكم ..فهي مهداه لقلوبكم الطاهرة

عسىآ أن تشف لغيابي..

..
..
..


حان الوداع ولا بقىآ بسكتي دروب
والقلب صاغ من المشاعر كلامه

سوق الوفا ياأهل الوفا صار مضروب
كل من وفا بالحب يدفع غرامه

تلقىآ الغرامة جرح بالقلب مكتوب
يبقىآ معاك ايلين يوم القيامه

دام الوفا أصبح بنا اليوم عذروب ؟
ياحظ منهو خان وأحرق غرامه !

..
..
..
..


ماشي أنا حول " الخبـــر" قبل الغروب
قريت جملة "رافقتـك الســلامــه"

وين السلامة والصدر وسطه حروب !
كل مانتهىآ من سيل شاف الغمامه

كنه حمل من هالبشر ضيق وذنوب
وأطلق لهم من صدق شعره حمامه

ياقلب تسمع بالفرح بين القلوب
وإلا أنت حلمك ماتعدا ابتسامه !!

كنك على بند المعاناة مطلوب
لا غبت لحظه عنه .. جتك الملامه

مافادك إنك بين الأصحاب محبوب
مادام جرحك طال شوق التئامه !

مدري أنا وإلا أنت اللي به عيوب ؟ !
بس الأكيد الضيق فينا علامه !

لا صرت تدري بكل الأحوال مغلوب !!
أسدل ستار الحب وأعلن ظلامه ..
..
..

 

[محمد الناصر الشهري]

يوسف الدهمشي ..

جميل وأكثر يا صديقي .. شعر وشاعرية رائعة ..!
أعتقد أنّك في اللفظ تنقط الغروب= لِغروب
وأيضاً كلمة القلوب = لِقلوب

كن بخير دوماً .. وأرقّ تحيّة
.
.

محمد