بوح....ي ؟!

[عبدالله صلال العساف]

ياطفلة الما يذوب الصمت بالفضفضه؟؟
وانتي شفايفك قيثاره ...وبوحك ذهب..!
سكة شفايفك سمعي كل مايركضه
يرد عطشان من هالبوح..كل ماشرب
جيتي خيال وتلعثم هالمسا ببعضه
وشلون لاصرتي واقع في دجاه انسكب؟؟

 

[عبدالله صلال العساف]

البارحه روح اسهرت تنتظر روح
واتعلّق احلامه ع شمّاعة ال ..لو
البارحه ناي القلق تعّب الدوح
ومن مرّت الساعه12 فيك لجّو

 

[عبدالله صلال العساف]

مانبت غير الوله بأغصان روح
كل ماهبت نسايم لهفتك
له حفيفٍ كل ماتسجع يروح
يطوي ادروب العيون إل سكّتك
داخلي ياداخلي عشٍ ودوح
لاترنّم في هديله اتهجّتك

 

[عبدالله صلال العساف]

ياطير ماحاشك من الوكر تقدير
انته اتلاقي حشمتك في مطيرك
انته على اطيور السما صاير الزير؟؟
واهنيه صار الكل ياطير زيرك!!
شمّل وشرّع للرياح الازارير
وان طالت ادروب الجفا لايضيرك؟
خل الجناح يصبّح الريح بالخير
واندب على درب المجافاة عيرك
احلامنا احيان تصبح مزاغير
لكن وهم!! مابل شفّة بعيرك

 

[عبدالله صلال العساف]

تعال مل السهر من هين مضنونك
متى تمل العناد وتروي اضلاعي
آحب ايّارك الرايق وكانونك
وآذوب في كل جهاتك وألوي اشراعي

 

[عبدالله صلال العساف]

اجمّع لك سوالف من تجين ويستفيق البال
وألاقيني على اطرافك سؤالٍ هايم ابنصّه!!
اظمك في عيوني من بعيد وانتشي واختال
وغدالي ابكل كتر منّك على كثر الغلا حصّه!
هلابك الف مره قلتها من قبل كيف الحال
وتلعثمت ابسؤالٍ ماقدرت ابوحك ابنصّه
عبدالله صلال العساف

 

[عبدالله صلال العساف]

تقول فيروز جوك اولاد؟؟
واقول جاها ولد مثله!
تمرجح ابغصنها الميّاد
ويطلع لها يوم تنزلّه
في صغرها تشبه إل ميعاد
والحين كل زين يشبهْله!!
كل مالمحته بلاميعاد
بيبان روحي تفتّحْله
لدت عليْ والعيون ابلاد
ياما توطّنت في كحله
واقول ياطفلة التوباد
ليه الجبل ماحظن ظلّه
وسهرت في قهوة الروّاد
ع اطلال ذاك المضا كلّه

 

[عبدالله صلال العساف]

هذي السوالف هوّدت والحكي ذاب
والشمع من قبل انتهامس خذلنا!!
البارحه كان السهر كله احباب
ناي وموسيقى ومطرب ما عجبنا