نـهــــر ...... مـــالــح

[رجا المريخي]

[poem="font="simplified arabic,5,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]سرحت بهالخيال وقلت أجيلك = لقيت إني بك من سنين جامح
تعال وفكني مني دخيلك = لأن الشوق فيني صار فاضح
أنا ماجيت لجل إني أستميلك = أنا لك جيت في هالحب واضح
تعال وضمني جيت أرتميلك = ترى لغير اللقى ماني بطامح
تعال وصدق بعيني بشيلك = بوسط النن تبقى دوم سابح
تعال إسكن بقلب ٍ ينتميلك = لغيرك داخله مابه مطارح
ثلاث إسنين بعيوني أخيلك = ولاكن بالوصل ماني بفالح
عجزت أنساك أو ألقى بديلك = مع العالم جسد والعقل سارح
أمانه وش بعد ناوي بخليلك = مشى عالشوك لن الشوق جارح
يكيف المر ذقته بسلسبيلك = وشفت إنك نهر في مي مالح
تعبت أرجاك وأتوسل وأجيلك = وليت إني بقلبك كنت ناجح
ألا وش عاد لو أسهرت ليلك = وغنيت القوافي فالمسارح
تبلدت بشعورك عزتي لك = وغاب الطهر من ذيك الملامح
خلاص اليوم عَزم في رحيلك = بهذا الحب مال القلب صالح
دلالي ماتبي بنك وهيلك = خلاص القلب بالأحزان فايح
وإذا ودك تكمل في جميلك = خذ قليبي إذاك اليوم رايح [/poem]

 

[ميــرال]

نهر عذب وزلال

المريخي

مساءنا شعر ورقي
يسعد ايامك

 

[فيصل الباهلي]

معنى ومغنى



بحر وشعر



صح الله لسانك ودام قلمك

 

[رجا المريخي]

المشاركة الأصلية كتبت بواسطة ميــرال

نهر عذب وزلال

المريخي

مساءنا شعر ورقي
يسعد ايامك

أهلاً بك أخيتي وبهذا المرور العذب

إحترامي وتقديري

 

[احمد دلي الهزاع]

رجاء المريخي

متميز هذا النص
بتميزه شاعره

الف صح لسان

 

[ماجد العمر]

رائع لأبعد مدى
محبتي وودي يارجا

 

[أكرم التلاوي]

رجا المريخي

عذب هذا النص بموسيقاه وشعره , تعزف الشعر على ناي الذائقه فتصدح به وتطرب قلوبنا
صح قلبك ولا هنت

 

[رجا المريخي]

المشاركة الأصلية كتبت بواسطة فيصل الباهلي

معنى ومغنى



بحر وشعر



صح الله لسانك ودام قلمك

صح بدنك طال عمرك

مرورك فخر يالقرم

إحترامي وتقديري