ياعمار ماني من طويلين الاعمار

[حسين البليهي]

وصلتني هذه الأبيات عبرالجوال ولاأعرف من هو صاحبها يقول
لاوخسارة هقوتي فيك يااعمار= ظنيت فيك الخير وانتي ردية
حسيت سهمك يرتفع فوق الاسعار =كنا نتوقع فوق تسعين مية
ياليت ماصارت ولاذكرها صار = والناس بلشت بين روحه وجية
فكتبت هذه الأبيات مجاراة لها
[POEM="font="Simplified Arabic,4,blue,bold,normal" bkcolor="transparent" bkimage="./images/backgrounds/.gif" border="none,4,darkred" type=1 line=0 align=center use=sp num="0,black""]خله ياعله سعرهاربع دينار =مادامها يافلان ماهي نقية
قلنا لكم مال الربا كله اوزار= قلنا لكم حربٍ لرب البرية
ياعمار ماني من طويلين الاعمار = كان اكتتب باموال ماهي خلية
درهم ربا والا ثلاثين مليار= يبقى الربا ذنبٍ عظيم وخطية
وين الورع وين التقى وين الاخيار =أهل النفوس الطاهرات الزكية
بكرة نموت ونرحل ونترك الدار= هوفيه احد يخطيه سهم المنية
إما على جنات واما على نار= إما فرح والا حياةٍ شقية
والله ذنب وعيب ياربعي وعار= نبيع جنة لجل دنيا دنية
نبيع جنة عدن ونبيع الانهار= ونبيع حورٍ ناعمات ٍ طرية
نبيع جنة رملها مسك وازهار = نبيعها من شان حاجة ردية
ياناس توبوا قبل قصاف الاعمار = وتوجهوا للرب جزل العطية
سهم المنية لانطلق ينسي (اعمار) = ألطف بنا يارب عند المنية [/POEM]

 

[هنادي المطيري]

\

والله ذنب وعيب ياربعي وعار
نبيع جنة لجل دنيا دنية
نبيع جنة عدن ونبيع الانهار
ونبيع حورٍ ناعمات ٍ طرية
نبيع جنة رملها مسك وازهار
نبيعها من شان حاجة ردية
ياناس توبوا قبل قصاف الاعمار
وتوجهوا للرب جزل العطية
سهم المنية لانطلق ينسي (اعمار)
ألطف بنا يارب عند المنية

/

تذوقنــا من على بُكرة الصباح الباكر
أروع جزله .. وأرقى حرف لـ/ مبدع وصاحب فكر ثمين

لاهنت وصح الله لسانك وطهر قلبك بالتقى
وبلغك الشهر الكريم ..

دمت ،

 

[عمر غربي]

.




حسين البليهي


لله درك من شاعر


والله يعين اهل عمار على الدمار

 

[محمد الرفدي]

حسين البليهي


صح لسانك ولا هنت على القصيدة المعبرة بحق

( ويمحق الله الربا ويربي الصدقات )



لك تحياتي

 

[سلطان ربيع]

أهلاً أبو ريان
وشهر مبارك
وجزاك الله خير

صوت للحق والنصيحه
طريقك ومنهجك

حبك للخير وغيرتك على دينك
من أروع سماتك

دمت بخير
يـ أبو ريان

 

[خالد صالح الحربي]

*
ياالله نغيّر اسمها وْيصبح: إدْمار..
....... كذا تصير المسألة.. منطقيّة..!


السوق هذا ميسر وْلعبة قْمار..
....... والصيرفة تبغى لها: صيرفيّة..


متعلّقٍ فيه المواطن بـْ شنكار..
....... تعليقة اللي علّقت بالضحيّة..!


وكُل عام وأنت بخير..
يابو ريّان ،،

 

[صالح العرجان]

ابو ريان

حينما يضيع الكلام نجد عندك اصدقه واوفره جزاله ومعنى


صح لسانك

تراه صاك نسبه فوق اليوم هههههه

 

[نسرين الأحمد]

..



بكرة نموت ونرحل ونترك الدار
هوفيه احد يخطيه سهم المنية
إما على جنات واما على نار
إما فرح والا حياةٍ شقية

..



حسين البلـيهـي

صح لسـانك..