من طول الغيبات .. مصافحة اولى

[مشعل الفدغوش]

[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black""]
يالله يا اللي بعرش علياك دايم = يا غامر ٍ كل العباد بنعيمه

يا رب يا فراج كل العظايم = وعفوك مراد ٍ للنفوس السليمه

يارب تغفر للزلل والجرايم = والا خطانا ما رقى للجريمه

ترفض عبادك مدلهم الظلايم = ولا يرتضي بالظلم ناس ٍ كريمه

من طول الغيبات جاب الغنايم = وأبيات شعري بالمحافل غنيمه

حب الشعر لا زال بالقلب قايم = وفي كل موقف مارتضى بالهزيمه

من مطلع الألفين لليوم هايم = بحب القوافي والمعان العظيمه

في داخلي شعري يشد العزايم = ويهد قوة حاسدي والعزيمه

فعلا ً تجي من نام زود التهايم = وجرب تنام وتنبعث لك ظليمه

أثر التهايم تق**ي كل نايم = من اللي طعن وأفكار راسه سقيمه

في مولد الأشعار نذبح تمايم = وأحرق قلوب اهل الحسد والنميمه

حتى تجي النيران تصلى حمايم = تصلى القلوب الحاقده واللئيمه

قاف ٍ يشادي بالعذوبه نسايم = ولا احد ٍ يجي من قو طرحه خصيمه

لأهل الحسد والله ما كنت لايم = ولا ينحسد شخص ٍ على غير قيمه

بديت صدر البيت في قاف آيم = وأنهيت عجز البيت في قاف إيمه[/POEM]

 

[وداد الجابري]

صح لساااانك وسلم بناانك

قصيدة عانقت وجداني

أخي مشعل الفدغوش
دمت رااائعا بروعة همسك

 

[صبــا الغامدي]

مشعل الفدغوش


تراحيب المطر بك هنا
مشعل (امير القوافى) الحائز على المركز الأول فى برنامج
أمير القوافى على قناة الراى




أهلا بك فى أبعاد

 

[خالد العنزي]

مشعل الفدغوش
ميه هلا وغلا
شاعر نفتخر بتواجده بيننا
دمت ولاعدمتك

 

[شجون]

من طول الغيبـات جـاب الغنايـم
وأبيات شعـري بالمحافـل غنيمـه
حب الشعـر لا زال بالقلـب قايـم
وفي كل موقف مارتضى بالهزيمـه




أبيات رائعه من شاعر رائع

بانتظار المزيد من ابداعاتك

تحياتي

 

[متعب المضعان]

امير القوافي

مشعل الفدغوش


صح .. قلبك .. وصح السانك مليوووون

ولايكفووون ولاهنت

جزل جزل يامشعل

واشهد بالله انك شاعر كفووو

وتستاهل اللقب .


ولاعدمتك على الوجود

 

[سعد سيف]

من طول الغيبـات جـاب الغنايـم
وأبيات شعـري بالمحافـل غنيمـه
حب الشعـر لا زال بالقلـب قايـم
وفي كل موقف مارتضى بالهزيمـه



امير القوافي


"

"


نص يعانق ماوراء الغيم


دمت بهذا الابداع


لك كل الود

 

[أميرة الشعر]

من مطلـع الألفيـن لليـوم هايـم

000000000بحب القوافـي والمعـان العظيمـه

في داخلي شعـري يشـد العزايـم

000000000ويهـد قـوة حاسـدي والعزيمـه

روعه وسعيده بمعانقة هذا البوح الجميل

شكراً لك مشعل

وننتظر ماتخطه أنامل الانسان الشاعر ابو عبدالعزيز

وألف السلامه ياأمير القوافي !!!