مُتنفس .. شِعري !

[صالح العرجان]

هنا بدينا رحـله ح ـضور وغ ـياب ..
هنا ابتسمنا للوداع ودمـ ع ـنا ..

هنا تملاّ ج ـرح وابتلّت أهداب ..
هنا تردى حـظ وهناك ضـ ع ـنا ....!:

 

[زايد الشليمي]

يسقط .. الغزل
يسقط .. العزل ..

عادةً ..
لا أتغزّل ... يأتي بالدوار .. ثم الدوران
أعمى.. يعمينا
متطفّل ..
لا شيء.. مجرّد كلام


:
:
وين كانت عيونك ..آخري واصلك
لو سكَنْتي عيوني.. أو سكنتي زُحـل
:
أسأل الجن عنّك .. أو عنك أسئلك
لو تقولين اعقل .. قلت وين العقَل
:
أبموت بغرامك .. ومايهم .. أخذلك
أنا ماعْشق عيونك لو وصولي سهل
:
كل مابْغى أعَرْفك .. كثرها أجهلك
الضلال الهداية .. ....والهداية أضَل
:
لو تشوفين وجهي كيف قبلك هلَك
الظلام اختراعي ....وذا سوادي أمَل
:
شوفي وجهي يدلّك كيف درْتْ الفلك
شيء يعجز خيالك .. في حياتي حصل
:
بس باقي أعيش .. أحْلِمِك ..أحْمِلك
بالصدر لك مدينة .. للحنايا أهل
:
شوفي الراعي اللي عشق بنت الملك
كان يحلم بسفح وانطلق للجبَل
:

:

 

[زايد الشليمي]

لِـ/ عارف سرور ..
الله يذكره بالخيٓـر
:




يا(عارف ) المشكلة عارف
وطن ..ولكن بلا موطـن
:
اقدارنا سيلهـا ...جـارف
تبغالها واحد(ن) مؤمـن
:
ياعارف الموت ..لو شارف
مايعرف السيء المحسن
:
والعين ..،لو دَمـْعَها ذارِف
توقَفْ حياتك .... .. ولايمكن
:
نعيش من عمرنا الطّارف
يمكن المقبل يكون أحسَن





:

 

[نوف الناصر]

بين تغريب الشوارع والمقاهي
‏عاشقين بْلا طموح و لا ملامح.!

‏كان يرمي عقرب الوقت اتّجاهي
‏يلدغ اللحظة ويجرحني واسامح

‏كانت الكلمة على طارف شفاهي
‏لكن شْـعور التّـردد كان جامح..!
‏•

 

[زايد الشليمي]

:
(( ريمتي ))ماعاد بالخطوة مسير
والأمل يصبح ع اسمه أمل
:
جيت ابكتب آخر السطر الأخير
كم كتبتك غيم وانتي من رمل
:
تكذب الألوان غنّت للضرير
وقالت ان النور يبقى محتمل
:
النوافذ..عجزت تفك الأسير
والطعون تمون لاطاح الجمل
:
هذي الدنيا ....طبيعي تستدير
كل مازاد العمر ..،،زاد الحمل
:
كم حلمت انك تطير وماتطير
وكم نثرت أحلام..عيّتْ تكتمل
:
الضمير انسان .. يحتاج لضمير
انتهى ماعاد تشفينا الجُمل

:
في مكانك..خطوتك..لوهي تسير
والامل..نسّاك..ان اسمه..((امل))






:

 

[زايد الشليمي]

من عيونٍ بخيلةومن ضميرٍ جفول
مابقى في ضلوعي شيء مني سِلِمْ
:
جيت يمّك قصيدة غارقة بالفصول
من أول السطر نقطة نار فوق العَلَمْ
:
جيت فيني حكي بس ماقدر أقول
انظلمْنا كثير وخايفٍ أنْــظِلِم
:
كم حلمنا نطير واسجنتنا العقول
صار تحقيق حلمك بس يوم تحَلَم

 

[زايد الشليمي]

من عرفتك وكني ...أثبت المستحيل
بس أبشر جروحك .. حيل .. حبّيتها
:
جيت وجهك وانا ادْري الضياع .. الدليل
ليت عقلي بصدري كنت حلّيتَها
:
غافر الذنب وجهك مالي عنّه سبيل
لو تجيبك صلاة كنت صلّيتها
:

رح وأبشر أحبك .. حب باله طويل
حتى أقشر عيوبٍ فيك عزّيتها
:
كل مازاد الطعون قلت صبرٍ جميل
مابكت عين زايد وانت بكّيتها

:
والله اني احبك لو نكرت الجميل
وادري انك تعض يدين مدّيتها
:

 

[سعيد الموسى]

من علمِّك ؟
‏إن الأماكن ماتموت ؟
‏بااول لقاء .. في آخر المقهى هناك
‏هالطاولة تشبه فتاه !
‏حلوه ، ومرسومة جسد !
‏واجمل .. جميلة في البلد !
‏كانت عطر ..
‏وبصدرها قلادة شعر !
‏كانت يدينا فوقها ، تتشابك وتحكي بخجل
‏حتى تبادلنا القُبَل ، والطاولة مالت حيا
‏واحنا مليناها .. غزل !
‏كانت ولا .. كل الحياه !
‏ولكل اصابعنا " شفاه " !
‏بـ آخر لقاء ..
‏واحنا نوادع بعضنا ، واخر حديث ايديننا
‏لما اصابعنا .. ابعدت !
‏انا شعرت ان المكان ، فجأه كبر لحظة وشاخ
‏وبنفس هاللحظة " رمَش "
‏واصبح هزيل .. ويرتعش !
‏ثم غمّض عيونه ومات ، ماخلّف لهالطاوله
‏الا هدايا عاشقين
‏عطرين ، مسباح ، وكحل
‏وآخر بقايا وردتين ، من قبل ماهي تنذبل !
‏حتى أن هالمقهى .. رحل
‏كل من سألته : ردّ لي :
‏به قلب وسطه أنقتل !