[ .. غـن لا ضاقت عليك الوسيعه غـن .. ] .. !!

[حنان العصيمي]

أنا ظلــي تحت شمسـك .. ولوتغيبي ماهو ظلي
وانتي اسمك في حياتي .. يهمسه بعضي لكلِّي
آه يا ضــعفي وغروري .. اعدلي فيني وجوري
واصدقي راعي شعوري.. واوعديني بعد باكر

 

[صالح العرجان]

الليل سيّل ظلامه في شوارعنا
يوم السحاب امطر دموعه .. وغنيّنا

وشلون الامطار يوم تطيح توجعنا؟!
ما كنّها الا خناجر تطعن يدينا

لا صارت ايامنا ( معنا ) بلا ( معنى )
تمشي بنا وين ما تبغى تودينا !!

يمكنها لــ أمس من بكره ترجـّعنا
وتضحك لنا كثر ما كانت تبكيّنا

ويمكنها لا شكينا الظلم تسمعنا
وتاخذ بعض من حلاوتها وتعطينا

يا ليتنا يا حبيبي ما توادعنا
في ليلةٍ غرّبتنا عن موانينا

كل ما تقدّم خطاوينا تراجعنا
إلين ضعنا وضيّعنا خطاوينا

وقلوبنا معلـّقة فـ اخر شوارعنا
تبكي وحنا بدون الحان غنيّنا !!

 

[حنان العصيمي]

فكرت بالدنيا بعد غيبتك كيف
وحاولت اجمّل وضعها بس ما جات

يمكن اساير غيبتك والبلا طيف
لا غاب عنــّي ارتوي القلب حـسـرات

 

[حنان العصيمي]

ويلزمني غلاااك آجيك وانا كلي ّ ولـَـه تقدير
لرووحك يا بعد روحي ولو ان الخطا واضح

ترى عيبك ايلا جيتك تسمّعني سوالف غير
وترى ما دامني ويّاااك (( يسموّنه خطا فاضح ))

 

[صالح العرجان]

يا صاحبي والشتاء ما يرحم أضلاعي
وانت .. بحلم الدفا .. دايم تعلقني ..!

يذبحني البرد او تذبحني اوجاعي
ماعاد تفرق معي وانت مفارقني

 

[حنان العصيمي]

انـا كـلـي اجـي لاجـيـت .. وبـيـع الـدنـيـا لاحـبـيـت
بـس تـدري وش عـيـبـي .. اذا صـديـت انـا صـديـت

 

[صالح العرجان]

سرى ليل المواجع.. والتحف صمتي صهيل الناي
على لحن الفراق اكتب حروفي واعزف اوتاري


افجر للحزن صمت المواجع وان ضمنت بكاي
اغنيها على لحن انكساري .. واسر ياساري

 

[حنان العصيمي]

ولايهمك ..
ولاتتضايق وتزعل
وإذا حسيت بهمومك
كثيره ..حاول تـلْـمـك