ســـــــوسنة جـــــــــــــــــرح !!

[عبدالله سعيد]

:

:


طيب الله اوقاتكم بالخير والود



سوسنة جرح

[POEM="font="Simplified Arabic,4,purple,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ذيب الملامة لطيش الريح ي عنادي=واقتل جفاف الحنايا واهدني غيمة
الليل دمعة غريب ولهفة منادي=والفجر قدسية المنفي وتعظيمة
والحزن ذود بدوي(ن) والتعب وادي=والروح سدرة تخطفها مجاهيمة
والقلب لا شرعوا باب السهر غادي=قنديل قرم(ن) معلق في نحر خيمة
يا حادي العيس صمت البارحة سادي=وانا بصدري حكي واحزاني مقيمة
لا أرض حست ولا حست بي أعيادي=هو من متى السجن يدري عن مظاليمة
تعبت والله ورب محمد الهادي=أنفض يدي من عبث وقتي ومن ضيمة
وان مل جفني وصار من التعب صادي=هزيت جذع الكلام وطاح ترنيمة
ترنيمة(ن) تستفز السطر لمدادي=لين يتساقط على كف الورق ديمة
شرق وغرب ي حادي العيس يا حادي=أذن وكبر وللمحراب تسليمة
أخوك لو عيفوه الشرب والزادي=يموت ما بدل البسمة بتجهيمه
ماني مجرد خبر من ذبذبة رادي=ولاني بدمع(ن) تشرد من هدب ريمة
من يوم وانا أحترك في لفة مهادي=والصدر بيت اجودي كثروا معازيمة
أكبر .. وتكبر معي نظرات حسادي=وان مت ماعاد يصير لحاسدي قيمة
مثل السمك لو يجف محيطه الهادي=يذبل وتذبل على التربة خياشيمه
عامين والسوسنة من شرفة الكادي=تقعد هجوس الكلام البكر وتقيمة
لين استقل الرعد واستسلم الوادي=والبرق شعشع وفض بكارة الغيمة[/POEM]

:

:

للجميع تحية تقدير

عبدالله سعيد

 

[عبدالعزيز محمد المالكي]

الدهشة
تصيب الصوت .. بالخُرس
حتى يفضيع الاعجاب من أهدابه

عبدالله سعيد

وللشعر معك ..
لذة ..
ومتعة تكاد أن تشرب المطر ..
كل الأرض ..

 

[عبدالله سعيد]

المشاركة الأصلية كتبت بواسطة عبد العزيز بن محمد

الدهشة
تصيب الصوت .. بالخُرس
حتى يفضيع الاعجاب من أهدابه

عبدالله سعيد

وللشعر معك ..
لذة ..
ومتعة تكاد أن تشرب المطر ..
كل الأرض ..

:

:

ولحضورك اللذة الأكبر يابو عزة
شكرا لك

:

:

 

[محمد السالم]

السعيد / عبدالله



تقول للجيمع التحية والتقدير



لا ياعبدالله أنت من الله التحية والقدير



عبدالله متصفح واحد مني لن يوفي شيء بما هو هنا ولكن



بحول المقتدر القادر لي عودة حتى أحاول الارتواه من هذا المنهل



رااااااااااااااااااااااجع بحو الله

 

[مشعل الوسّامي]

نص مجنووووووووووون
به من الصور الشعرية الكثير الكثير

يسلم هالخيال فهل من مزيد ياعبدالله سعيد,,,,,,

 

[عبدالله سعيد]

المشاركة الأصلية كتبت بواسطة مشعل الوسّامي

نص مجنووووووووووون
به من الصور الشعرية الكثير الكثير

يسلم هالخيال فهل من مزيد ياعبدالله سعيد,,,,,,

:

شهادة افتخر بها من شاعر بحجم مشعل الوسامي ,
شكرا مشعل
شكرا لمرورك الغيث

:

 

[عبدالله سعيد]

المشاركة الأصلية كتبت بواسطة محمد السالم

السعيد / عبدالله



تقول للجيمع التحية والتقدير



لا ياعبدالله أنت من الله التحية والقدير



عبدالله متصفح واحد مني لن يوفي شيء بما هو هنا ولكن



بحول المقتدر القادر لي عودة حتى أحاول الارتواه من هذا المنهل



رااااااااااااااااااااااجع بحو الله

:


هلا بك يابو سالم ,
إسم أبتهج بمروره كثيرا والله
شكرا لهذا الإطراء يابو حميد
ولك خالص التحايا

:

:

 

[محمد مهاوش الظفيري]

نص لا يحتمل إلا الجمال

إبداع فريد

من عبد الله سعيد