وحـــدة تشــــد انتباهـــي !

[محسن الدويخ]

بكل الحب اعود اليكم ...ونص اتمني يحوز على بعض اعجابكم
.
.
.
.
ان شفتني في بعض الاحيان ... ساهي
لا تندهش من ذهني ... ان سج ... او راح
.
.
.
ما للخيال فبعض الاحيان ... ناهي
اذا حضر ...اشتاق ...والشوق ...ذباح
.
.
.
مشاعر الوحده ... تشد انتباهي
هي ضاقت بصدري ... وانا ودي ارتاح
.
.
.
ال آآآآه ... ماهي مثل ما كانت آآآهي
من كبرها ... أحسها تنزع ارواح
.
.
.
ما عادت الدنيا ... لها لون زاهي
الشمس غابت ... وأول النور ... ما لاح
.
.
.
اشلون الم الجرح ... والجرح ... راهي
وحزن احتوى صدري .. أبي شلون ينزاح ؟
.
.
.
من شفتني ... ضاع السمو ...والتباهي
اشوف دمعك ...يوم فضفضت لك ...طاح !
.
.
.
محسن الدويخ

 

[خالد العقيل]

ان شفتني في بعض الاحيان ... ساهي
لا تندهش من ذهني ... ان سج ... او راح
.
.
.
ما للخيال فبعض الاحيان ... ناهي
اذا حضر ...اشتاق ...والشوق ...ذباح

محسن الدويخ
سعيد بــ كوني أول من صافح هذه الرائعه
تقديري

 

[نور]

المشاركة الأصلية كتبت بواسطة محسن الدويخ

اشلون الم الجرح ... والجرح ... راهي
وحزن احتوى صدري .. أبي شلون ينزاح ؟
.
.
.
من شفتني ... ضاع السمو ...والتباهي
اشوف دمعك ...يوم فضفضت لك ...طاح !
.
.
.
محسن الدويخ

الله الله الله الله عليك يا محسن ,,


والله ابكيتني


اشلون ينزاح الحزن يا " أخوي " ؟




أختك ,,


نور...

 

[محسن الدويخ]

المشاركة الأصلية كتبت بواسطة نور

الله الله الله الله عليك يا محسن ,,


والله ابكيتني


اشلون ينزاح الحزن يا " أخوي " ؟




أختك ,,


نور...

الاخت العزيزة نور

عسى الله يزيح الحزن عنج وعن كل مسلم

ودمعتج غالية ...ولا ارضى انها تنزل ..

وصول القصيدة الي احساسك يزيدها جمال ...ودهشه

تسلمين
ولج خالص تحياتي
وعساج دايم بخير

 

[شوق]

رائعة وكلمة رائع قليل بحقها

لانها أروع ماقرأت

كل الود


أختكـ/شووق

 

[محسن الدويخ]

المشاركة الأصلية كتبت بواسطة شوق

رائعة وكلمة رائع قليل بحقها

لانها أروع ماقرأت

كل الود


أختكـ/شووق

تسلمين يا شوق على الاطراء الطيب ...والله يدم حضورك


اشكرك من كل قلبي



دمتي بخير

 

[شهيق ورده]

محسن الدويخ

قامة شعريَّه مُرهفة البحور ..

يغيبُ ليأتي بالغيم ..

هُنــا

نصٌّ يعصفُ بالحرمان ..

يروي تشتُّت الإنتباه مدى قسوة الوحده ..

و يبقى الصدى هو الأنيسُ لهُـ/ا

صباحُكَ تكاتُف الأحبه في قلبكَ حتى تطرد الوحده ..

 

[بدرالموسى]

محسن الدويخ


كلمات لامست الوجدان وأجبرتنا أن نعيشها ونشعر بها

رغم ما تحويه من حزن
بل اكاد اجزم بأنها كتبت بمحبرة الحزن


تقبل اعجابي

لكـ التحيهـ
بدر