فصـيلة دمــك ((مصافحة أولى)).........

[عبدالله الحمادي]

السلام عليكم ورحمة الله وبركاته




نزف أول

[POEM="font="Simplified Arabic,5,black,bold,normal" bkcolor="transparent" bkimage="" border="groove,7,gray" type=1 line=0 align=center use=ex num="0,black""]
لو تجرعني همومك وأرتوي من سمّك = أعتبر كـل ما يجيني سر من أسرارك

قلبك اللي في خفوقي مايل ٍ من يمك = لو دعيته قال مابي استرح في دارك

قد سكنت اللي هواك وجاري ٍ في دمك = لو تقول اسباب عذرك ما قبلت اعذارك

يا غناتي والله ان اكبر همومي همك = وبالهموم احتارني والله ثم احتارك

وش يفرحني ؟؟ جوابي بس ضحكة فمك = وان بغيت اختار من هالناس بس اختارك

ليتني مخلوق لحظة من قرايب عمك = والله أني لرتويك ولو تشح آبارك

لو تقولي لي تمنى قلت ودي ضمك = والله أني لاصهرك بالثلج واشعل نارك

والله أني غير اضمك واهتني في شمك =واحرقك بأنفاسي اللي ترجمتها أفكارك

عانقيني لين آآصل لانهاية جمك = وأرتوي من بحرك اللي غير كل بحارك

لو تذميني ابنطق آآآهـ محلاا ذمك = لاني احسد في يدينك خاتمك وسوارك

كيف ما يحلى كلامك وانتي أصلا أمك= قطعةٍ من نور تابَـع داخله مشوارك

بس ابسئل يا غناتي وش فصيلة دمك؟؟ = عفواً أخطيت بسؤالي ويش هي اخبارك؟[/POEM]

وسلامتكم

 

[رجا المريخي]

عبدالله الحمادي

أهلاً بك أخي العزيز في منتداك وبين إخوتك

حضور أول يبشرنا بقدوم شاعر واعد

صح الله لسانك أخي العزيز

إحترامي وتقديري

 

[عبدالله ثويني المانع]

..

وش يفرحني ؟؟ جوابي بس ضحكة فمك
ـــــــــــ وان بغيت اختار من هالناس بس اختارك

لغة عاشق غارق بأدق تفاصيل الجمال ..
ونص ممتـع ..

** عبدالله الحمادي **

أهلاً وسهلاً بــك في أبعاد أدبية
نتشرف بحضورك ونحتفي بنورك


دام تواصلك المبهج ..
أرق التحايا لقلبك ..


..

 

[هدب]

:
:
:


عبدالله الحمادي
أهلاً وسهلاً بــك في أبعاد أدبية
نتشرف بحضورك ..
مصافحة جميلة
دمت راقي


..

 

[عبدالله الدخين]

اللــه عليــكـ ..



ابــداع .. يا بنــاخــي ..



تجيــّـد ركـــــــــــوب النايــفــه ..






صح لسانكـ وتسلم يميـنكـ لا عدمناكـ ,






تحياتي

 

[خالد صالح الحربي]

:

عبدالله الحمادي ،،
ومصافحةٌ وارفةُ الظلال / موفورة الجمال .
اعتمدت على المفاجئة في آخرها ، وعلى الدهشة في أوّلها ..
لكي تكون في مجملها : ماأجملها ..!
_ شُكراً وَ أهلاً بك _

 

[قايـد الحربي]

عبدالله الحمادي
ـــــــــــــــ
* * *

أهلاً وسهلاً بك في أبعاد
ولنا فائق الشرف بتواجدك .

[ فصيلة دمك ]

قصيدةٌ سابحة في الحب و حابسةٌ للقلب
تؤرّخ النبض بحيث تكون هذه القصيدة أول الغيث
من مطرك الدائم هنا .

كل الشكر لحضورك ونورك .

 

[فارس مهدي]

صح الله السانك


وياهلا بك نورت


تقبل تحيتي