بالله وش ذنب رجالٍ يحبّ بـ ضمير ؟

[نواف العضياني]

السلام عليكم ورحمة الله و بركاته

أسعد الله جميع أوقاتكم..

[poem=font="simplified arabic,4,black,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black""]
الله لنا يالحياة و وقتنا المستدير=واحلامي اللي تعبت اركض على فالها
سنه و مرّت على فرقى عشير و عشير=سنه وانا حالتي فالبعد يرثى لها
كانت بدايات غير وكانت احلام غير=يوم اني العب بـ خاتمها و سلسالها
و صارت نهاية حزينه فالوداع الاخير=من يوم قفّت و فاح العطر من شالها
كنّي فقيرٍ فقد بالوقت شيٍ كثير=بدال مايقهر الدنيا تساوا لها
احلامه اللي بناها يوم توّه صغير=الهمّ تالي حياته حطّم آمالها
الياس يكبر وانا حلمي منوّل كبير=حتى فقدت الأمل بالحيل بوصالها
والواقع اللي يخليني حزين وكسير=أسأل و عيّا يطمنّي عن احوالها
من بعد كنا سوا نحلم بنفس المصير=جرّت علينا ظروف الوقت موالها
غابت و خلتني مْع الهم والحزن اسير=مافارقت بالي وماني على بالها
ياطيفها اللي تجيني كل ليلة مغير=بالله ماتقول لي وش سبّة اهمالها؟
بالله وش ذنب رجالٍ يحب بضمير؟=كانت توَرّا له احلامه ولا نالها
ياطيفها قل لها تراه ماهو بخير=لو بس مره تطمني على حالها
لو ضيقتي من سببها كل حزة عصير=تبقى هي اللي ملتى عيني ويبقى لها
قدرٍ بـ قلبي على مايشهد الله كبير=حتى ولو ماني بـ دايم على بالها[/poem]

 

[عبدالإله المالك]

أبيات مضمخة بالشاعرية الفخمة
وقوافي مختارة بعناية ولب الموضوع
أجزلت

 

[نواف العضياني]

اقتباس:
المشاركة الأصلية كتبت بواسطة عبدالإله المالك
أبيات مضمخة بالشاعرية الفخمة
وقوافي مختارة بعناية ولب الموضوع
أجزلت



الله يطول عمرك
سعدت بمرورك يا عبدالإله..

 

[وداد الجابري]

نص رائع وجميل يانواف
سجل اعجابي ومتابعتي
أختك وداد

 

[نواف العضياني]

المشاركة الأصلية كتبت بواسطة وداد الجابري

نص رائع وجميل يانواف
سجل اعجابي ومتابعتي
أختك وداد

كـ جمال مرورك يا وداد..
شرفتي.

 

[مشعل الغامدي]

نصٌ يكتب بماء الذهب ويعلّق على أبواب الذائقة يا نواف

تقبل مروري المغلف بالإعجاب

 

[نواف العضياني]

اقتباس:
المشاركة الأصلية كتبت بواسطة مشعل الغامدي
نصٌ يكتب بماء الذهب ويعلّق على أبواب الذائقة يا نواف

تقبل مروري المغلف بالإعجاب

و أتشرّف بهذا الإطراء يامشعل..
شكرًا كثيرًا.

 

[ساره عبدالمنعم]

شاعر راقي
ورائع
سلمت