ــــــــــــــــــــــــــــــــــــــــــــــــــ ـــــــــــــــــــ

نواف التركي · 12-09-2006, 03:59 AM

.

.

.

[POEM="font="Traditional Arabic,5,blue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
ظهر من بين حزّات الوداع وسااعة الفرقـى=أنينٍ يشبه لصوت الأنين بداخـل أعماقـي

تصدق من سمعته رحت أجسّ طعوني الزرقى=وأنا متأكد انه باقي لعمـر الشقـى باقـي

كثير أشباه لكنّي أحسّـه بـالولـه يرقـى=كأنه يعلـم الله يستثيـر الحبـر بأوراقـي

ألا يا ساقي أحزاني أليا غنّت لـي الورقـى=دخيلك صب لي مما عطاك الله يـا ساقـي

وأذا صافحت حزني وأنتبهت لكفي العرقى=ترا توّ الزمن فكّك حباله واطلـق وثاقـي

فلا تستغرب أن شفت المحاجر بالبكاء غرقى=مادام أكبر مساحات الحزن تستوطن أحداقي

لذا ياساقي أحزاني أليا طريت لـك فرقـى=فلا تذخر حطب دام السعير يراود أشواقي
[/POEM]

.

.

.

[POEM="font="Traditional Arabic,5,blue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]لعيون (مي) وبقايـا أحـلام ورديـه=لأخر بقايا الحروف وطول مشـواري

للصبح لا خالط الضلماء سناء ضيّـه=للي اليا غبت تنشد شأخـر أخبـاري

للحزن لسنين الغيـاب لفرحـة الجيّـه=لأصحاب كانوا هنا وأستوحشت داري

غنيت مدري بكيـت ونارهـم حيّـه=تسعر بقايا القصيد وتعزف أوتاري

هم لبسـوا هالحـروف الغبـر مرثيـه=حتى توشّح سـوادٍ كنـت بـه داري

يا صاحبي رأس مالـي كـان هالنيّـه=بيضاء ..ولو طال ليل الحـزن للسـاري

ولاّ الشعـر مـا يشكّـل أي أهميـه=ما عاد به شي يقـدر يغـري أفكـاري

مبعد عن الحـب والشـوق وطواريّـه=عن نافذة هـالشعور أسدلت بـستاري

ما غير (مي) وبقايـا أحـلام ورديّـه=الشعر ماعاد يطري منـه لـي طـاري [/POEM]