ام العيون الكـــبار نعـاس !

[فهد الماجدي]

(رَوّعوه ؛ فتولَّى مغضِبا
أَعلِمتم كيف ترتاعُ الظِّبا؟).!


للتواصل مع التحية والاحترام,

,


الهمتي الخاّفـق المحتـاس
.......وهيّضتي القلـب واشجانـة

احس في خاطرك هوجـاس
.......وانغـام نبرّتـك ِ تعبـانـة

الحانها الناّي حـزن وبـاس
.......يشدوا لها الطير باغصانـة

لك داخلي منـزل ومقيـاس
.......يامحـرج البيـد باحسانـة

قدرك على العين فوق الراس
.......وفي داخل القلـب سلطانـة

ذا خاطري جاوبك باحسـاس
.......وجوارحـي معّـك ولهانـة

ام العيون الكـــبار نعـاس
.......هو < ليه >ياناس زعلانـة

حرام من يجرحـه يانـاس
.......وعيونهـا الدمـع ذبلانـة

خالي من الذوق والاحساّس
.......مشاعـره مالهـا خـانـة

احـس بالخاطـر الحسـاّس
.......واشفق من ْشعور باحزانـة

شيخـة حبيباتكـم وتقـاس
.......فوق البحـر كنّهـا الدانـة

اهيم بـه ليـل دون نعـاس
.......لو كشـر الليـل باسنانـة

لابـاس ياشمعـة الجـلاس
....... مثلك عسى دوم فرحانـة

لاباس لوّ يزعلـون النـاس
.......ياشيخة الحسـن واركانـة!


,

 

[عبدالإله المالك]

فهد الماجدي ..

اطربتنا بعذب القول والأبيات الغنائية ..

 

[أمجاد محمد]

حروفك تستحق القراءه
شكرآ لك

 

[فهد الماجدي]

لاعدمناك يالغالي عبد الاله على المرور المبارك الطيب ياغالي

لك التحية والاحترام
,

 

[بدرية البدري]

فهد الماجدي ..
نص عاطفي لعيونها ..

صباحك ورد يا أخي ..

 

[فهد الماجدي]

الغاليه امجاد لاحرمنا الله منك ياقديرة


التحية والتقدير
,

 

[فهد الماجدي]

الغاليه بدرية وجهك ابيض يالاجوديه على المرور الطيب

لاحرمنا الله منك
التحية والاحترام

,