:: جـمـر الـغـلا ::

[فرج البلاز]

اسعد الله اوقاتكم بكل خير
مصافحة أولى لأول نشر هنا مع التحيه ..

[poem=font="simplified arabic,6,teal,bold,normal" bkcolor="transparent" bkimage="" border="none,4," type=2 line=1 align=center use=ex num="0,black""]
لو الزمان يعيد حبك وينعاد = انسى ليالي البعد واللي جفوني

جمر الغلا في غيبتك صار وقاد = يشعل فتيل الشوق هاجس ظنوني

يالغاليه صبري مسافات وابعاد = والشوق دمعة حايره في عيوني

العمر في شوفك مسرات واعياد = وان غبت عني طاولتني اطعوني

يانبض روحي ماتهنيت برقاد=لاجيت ابرقد هيّضني اشجوني

اسهرت عيني واكثر الناس هجاد = وعهد المحبه بيننا مايهوني

ياناعم الخدين .. ياغض الانهاد=ياام العيون اللي حورها فتوني

ياوردة ٍبين النفل عطرها ساد = ياليتهم من عطرها طيبوني

ودي اشم العطر لافاح من غاد = واحضن حبيب الروح لو يعذلوني

حبك سكن بالقلب يابنت الاجواد=ولافيه غيرك في حياتي يموني

يحفظك ربي من بلا كل حساد=ياللي مليتي بالغلا كل كوني[/poem]

:

:

[poem=font=",6,darkred,bold,normal" bkcolor="transparent" bkimage="" border="none,4," type=2 line=1 align=left use=ex num="0,black""]
اسرجت من خيل المعاني والاحساس = اجمل وصوف ٍ للحبيب المثالي


ماعاش رجلن للهوى يخِضع الراس = ومن صد عني مارجيته وصالي[/poem]

 

[بندر الصقر]

ياهلا يا فرج ..

حضور اول ملأه الشعر والشعور ..

صح لسانك وحياك ربي .

 

[فرج البلاز]

المشاركة الأصلية كتبت بواسطة بندر الصقر

ياهلا يا فرج ..

حضور اول ملأه الشعر والشعور ..

صح لسانك وحياك ربي .

القدير بندر الصقر

الله يحييك اخي ومرورك يثلج الصدر

صح بدنك تسلم

دمت بخير

 

[صالح الشملاني]

ابن الدم .. فرج الدهمشي شاعر وانسان يعرفك التاريخ جيداً
أهلاً بك في وطن الأبعاديون الأدباء الأطهار العظماء

حضرت وحضر صباح الخير يافرج
لترحيب بك فقط
ولي عوده الى هالنص الفاتن

 

[فرج البلاز]

المشاركة الأصلية كتبت بواسطة صالح الشملاني

ابن الدم .. فرج الدهمشي شاعر وانسان يعرفك التاريخ جيداً
أهلاً بك في وطن الأبعاديون الأدباء الأطهار العظماء

حضرت وحضر صباح الخير يافرج
لترحيب بك فقط
ولي عوده الى هالنص الفاتن

القرابه صالح الشملاني

ما عليك زود يالحبيب .. صح بدنك تسلم وبانتظار متابعتك في اي وقت تنورني

الف شكر لك

تقديري

 

[عبدالإله المالك]

فرج الدهمشي ..

ومرحباً بحجم اتساع بحور الشعر قاطبة ..

أيها المفرط شاعرية ً حدّ الثـُمالة ..

قصيدة .. مفعمة بالجزالة .. من الشاعر الجزل ..

يالغاليه صبري مسافات وابعـاد /
والشوق دمعة حايره في عيوني

 

[فرج البلاز]

المشاركة الأصلية كتبت بواسطة عبدالإله المالك

فرج الدهمشي ..

ومرحباً بحجم اتساع بحور الشعر قاطبة ..

أيها المفرط شاعرية ً حدّ الثـُمالة ..

قصيدة .. مفعمة بالجزالة .. من الشاعر الجزل ..

يالغاليه صبري مسافات وابعـاد /
والشوق دمعة حايره في عيوني

القدير عبد الأله المالك

الف شكر لكم على هذا الترحيب يثلح الصدر ما قصرتو .. صح بدنك تسلم ولاهنت

مودتي

 

[وفاء الفواز]

اسرجت من خيل المعاني والاحساس
اجمل وصـوف ٍ للحبيـب المثالـي

ماعاش رجلن للهوى يخِضع الراس
ومن صد عني مارجيتـه وصالـي
.
.

قصيده احساسها صادق ..كلها رائعه

صح السانكـ وسلمت

ولكن لهذين البتين وزن من العيار الثقيل

لاهنت مدد بلا.. عدد