( الكاهنـه ) ..!!

[عبدالرحمن المالكي]

[poem=font="simplified arabic,5,black,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]
بذاك الليل واسراره بدت ذيك الحروف العد=بلعبة كاهنه منها حروف الشعر منقاده
تواسيني على ( نزوه ) وتصفع في سنيني خد=وتتركني انازع موت ما قررت ميعاده
رمتني في رصيف الجوع لجل شباكها تمتد=لجل تعبث على جثة ( ألم ) وتكسّر اوتاده
تشرّح ( فكر ) شاعر من بقابا سكرته مشتد=تصيد إحساس ما يخضع سوى لسهام صياده
سقتني من ( زعاف ) الفكر جرعه مغتشيها برد=سقتني من جنون الشعر لين أدمنت براده
تقلّبني .. وترميني .. كما لو كنت ( زهرة نرد )=تنقص كل ما ترمي من اطباع الوجع عاده
تقول أكتب على لحني ولا تصبح لبحري ضد=تقول ( اسكر ) معي لحظه بكاس الشعر وإلحاده
تقول أكتبني بشعرك عطش ( ملعون ) ماله حد=تقول ارسم ( شتا ) جرحك بجنبه نار وقّاده
رمت بالشوك في دربي وانا اللي كنت اظنه ورد=وطيته غصب عن نفسي ( ثمن ) للشعر وانشاده
ذنوب كثير تهديني وتحفر خلف ( ظلي ) لحد=وتتركني ( وطن ) مهجور جن الكون له ساده
تزيد الهد .. وقت العد .. وتكسر من عضامي يد=وتعبث في ( تفاصيلي ) إذا حنّيت بزياده
تعاتبني على كلمه ( ذكرها ) في صلاته عبد=وتتبعثر خطاويها .. ليا هميت بعباده
هذيك ( الكاهنه ) صارت لمستقبل حروفي غد=وعزفي دايماً منها .. يقرر يوم ميلاده ..!!
[/poem]

 

[حنان العصيمي]

وبحروفك ؛
كتبت شعوراً لتلك الكاهنة لا ينتهي ..
صح بوحك

 

[عبدالرحمن المالكي]

المشاركة الأصلية كتبت بواسطة حنان العصيمي

وبحروفك ؛
كتبت شعوراً لتلك الكاهنة لا ينتهي ..
صح بوحك

حنان ..

صح بدنك

 

[محمد البدر]

اسمتعنا بلعبة الكاهنة
وتذوقنا شعرا راقيا
تميز بغزارة المعنى
والسلاسة
طبت وطاب بوحك
تحياتي

 

[عبدالرحمن المالكي]

المشاركة الأصلية كتبت بواسطة محمد البدر

اسمتعنا بلعبة الكاهنة
وتذوقنا شعرا راقيا
تميز بغزارة المعنى
والسلاسة
طبت وطاب بوحك
تحياتي

محمد البدر


لاهنت على الحضور

 

[عبدالإله المالك]

يا عبدالرحمن ..

أبيات شعرية أنيقة .. ترفة ..
تصاوير شعرية مكثفة ..

دمتَ بودٍ

 

[عبدالرحمن المالكي]

المشاركة الأصلية كتبت بواسطة عبدالإله المالك

يا عبدالرحمن ..

أبيات شعرية أنيقة .. ترفة ..
تصاوير شعرية مكثفة ..

دمتَ بودٍ

عبدالاله ..

صح بدنك والله لايهينك

 

[عون القحطاني]

الكاهنة ..
نص جميل ياعبدالرحمن بجمال قلب صاحبه
ولانك دست الشوك ثمن للشعر
نقول لك لا تعبت .. والشعر لن يخذلك

صح فكرك .. ومزيد من التوفيق ان شاء الله

شكري وتقديري