((زهـور الحنيـــن))

[خالد الغامدي]

[poem="font="simplified arabic,5,white,normal,normal" bkcolor="black" bkimage="" border="none,4,black" type=2 line=0 align=center use=ex num="0,black""]لا ذبل زهر الحنين بداخل اقفاص الصدور=جفت عروقي وطاحت من ضلوعي اغصانها
ولا نشف دم المحبه وسط وديان الشعور=ماتت آمالي وحياتي قبرها واكفانها
اصدق الكلمه سؤال بساحة افكاري يدور=من قتل حلم المحبه ومن هدم جدرانها
واكذب الكلمه اجابه ترتدي شكا وزور=روحك اللي من وفاها ماتمل احسانها
من متى كان الوفى في وقتنا غلطه وجور=والبيوت شلون صارت خاينه سكانها
من متى شمس الحقيقه مالها حق وتبور=والليالي شلون تجرح بالسهر سهرانها
لا غدت دمعات عيني حروف وخدودي سطور=تنكتب اقسى قصيده من نزف وديانها
للأسف حنا في وقت تدوس هالناس الزهور=وكفة الخاين يرجح وقتنا اوزانها
ايه يا ابن آدم غبي لو جيت بأحساسك ثبور=تمتطي ظهر المحبه وترتجي فرسانها
لا جفاك اللي تحبه ايام بل اكثر شهور=اشهد ان اشجار همك في الحشا بستانها
حضرته لاهي وسالي مادرى باللي يدور=وانت باحزانك تعايش همها واشجانها
ويش تفيد دموع عينك لا غدت سيل وبحور=خلها ترتاح احسن من جراح اجفانها
الهوى شراع السفينه والعمر بحر العبور=والسفينه روح تاهت من غدر ربانها
كم نفوس اليوم تحيا في دول فرح وسرور=وكم نفوس اليوم تنفى غربتها احزانها
كم سمعنا من حكاوي تذكر عصور ودهور=وقصة الحب العظيمه قلت صح لسانها
يوم كان الحب اسمى دوم في كل الأمور=والمحبه تصون من هو في حياته صانها
ولت ايام المحبه ومالها عندي حضور=قفلت شباك فرحي واوصدت بيبانها
اصعب اوقات الحياه تمر في عمري مرور=ساعة الفرقى وانا ادري ماتخون اوانها
ايه ياللي رحت عني طاحت بيوت وقصور=داخلي في وسط قلبي شيدت بنيانها
كان لك وحدك مدينه حولها مبنى وسور=كان مبناها بروحي وسورها شريانها
جيشها مشاعر محبه مابها عجز وقصور=وشعبها احلام عاشت في ظلال اوطانها
لكن الصدمه عظيمه والزمن لعاب دور=طاحت اسوار المدينه من شتات اركانها
في امان الله وحفظه مابقى فيني زهور=جفت عروقي وطاحت من ضلوعي اغصانها[/poem]

خالد الغامدي(وافي الوعد)

 

[سعـد السعـيـدي]

:

خالد

أنت رحلـة مُفاجئـة..للشعـور..!


لله درك يابحــر


شُكـراُ ..على.. طـول الـمـدا


تقديري

 

[عبدالله العويمر]

مَدِيْنَة الحُب فِي نَبْضِك جَمِيله يَاخَالِد

الحَنِيْن فِي حَرْفِك رِحْلَه

جَمِيْل ، وأكْثَر

 

[إبراهيم الشتوي]

نص للنوارس وللبحر وللذائقة ..
بحضور منغمس بالحبور والعطور ..
فشكرا لك أيها الباسق الوارف ..
تقديري .

 

[خالد الغامدي]

اخي سعد السعيدي

اخي عبدالله العويمر

اخي إبراهيم الشتوي



صحت ابدانكم جميع ولاهنتوا على مرورك وحضوركم

كلماتكم وسام على صدري اعتز به


شكرا لكم


دمتم بخير



وافي الوعد

 

[نايف العمر]

خالد ..

أين ذائقتي عنك ...؟


نص نادر جدا ً والله

هكذا الشعر وإلا فلا ..

وصح الله لسانك يا ابن العم حتى ترضى

 

[خالد الغامدي]

هلابك اخوي نايف العُـمَر

صح بدنك وسلمت اناملك


شاكر لك مرورك واطرائك


دمت بخير



وافي الوعد

 

[حسين السبيعي]

أحسنت أخي العزيز/خالد الغامدي أحسن الله إليك

شكرا لك سيدي الكريم على إتحافنا بهذه الرائعة

صح لسانك ، وبيض الله وجهك ولا فض الله فاك

دمت بسلام وسعادة وحب وألق أيها الأخ العزيز