اما قبلنا باحترام والا رفضنا باحترام..

[خالد الغامدي]

السلام عليكم ...

للاسف اصبحت قاعدة (ان لم تكن معي فا انت ضدي)

منتشره في جميع مجالات الحياه ...

واصبح احترام الراي امر مرفوض بين البعض ..

واصبح البعض يمارس اسلوب فرض الراي

دون احترام الاخرين واحترام ارائهم وافكارهم

ومن هنا كانت القصيده ....


[POEM="font="Simplified Arabic,5,white,bold,normal" bkcolor="black" bkimage="backgrounds/23.gif" border="solid,5,black" type=2 line=0 align=center use=sp num="0,black""]تعبت من تغيير طبعي لجل اواكب هالبشـر=تعبت من تفريق ذاتـي لجلهـم واستجمعـه
مليت ادور لي عذر اقنـع بذاتـي واعتـذر=وذاك الزحام اللي اراه سبب بعمري معمعـه
بعض البشر يفرض عليك رأيه ولا عنده خبر=وان لم تكن تتقبله في نظرته ما انتـه معـه
يفهم كلامك بالغلط من دون لا فهـم وفكـر=ومهما تحاول تقنعه ما اظـن تقـدر تقنعـه
مادام في باله يشوف رأيك مثل وجهة نظـر=ورأيـه يعـده منتهـي قـرار لازم تتبعـه
مثله ترى تلقى كثير صغير عقله لـو كبـر=ما يقبل انصاف الحلول مهما تحـاول امعـه
صار احترامه للبشـر شـي يعيبـه يابشـر=غصبا عليك يامستمع لامن حكى لك تسمعـه
حتى ولو حكيه غبـاء لازم لحكيـه تنتظـر=في نظرته انه ذكي حـط الجميـع بأصبعـه
مصدوم ومتخيل كثير وبذات نفسه منحصـر=مايدرك اسلوب الحوار ولا يعـرف يجمعـه
لو جيت يعني تسئله يعني في فكـره تختبـر=تحس بأسلوبـه خبيـر مـن وراه المنفعـه
ولا من سئلته يافتى ويش سالفة ذاك الامـر=يدلي بدلـوه بالحكـي دون علـم ومرجعـه
غريب في طبعه كثير مهمـا عرفتـه تعتبـر=ان الطبـع يبقـى طبـع والنفـوس تطبعـه
اقولها مسك الحكي فـي اواخـر هالسطـر=واجـب علينـا نحتـرم كـل رأي ونرفعـه
اما قبلنا باحتـرام راي مـن قـام وحضـر=والا رفضنا باحتـرام دون نلغـي موضعـه[/POEM]

وافي الوعد

 

[أصيله المعمري]

الغامدي
أنت وافي الوعد دوماً

قصيدة مكبلة بالشعر والفكر والقناعات المضيئة
والضجر من بعض أجزاء هذا المجتمع


قصيدة تحمل من الوعي الكثير




وفقت في كتابتها يا خالد

تقديري لحضورك المنير

 

[بنت العبيّه]

صباح الشعر والجزاله.

الرائع خالد الغامدي.

قصيده رائعه تحمل بين طياتها

الكثير من المصداقيه.


صح لسانك وسلم فكرك.


تقديري.

 

[وليد الفالح]

خالد الغامدي
رائع هذا النص
مودتي

 

[خالد الغامدي]

اختي أصيله المعمري

شكرا لك على هذا التواصل الجميل

والحضور الاجمل

وكلماتك الصادقه اللتي هي شهاده اعتز بها ماحييت

دمتي بخير


ــــــــــــــــــــ


اختي بنت العبيّه

الروعه حضورك وتشريفك متواضعتي
اشكرك على هالمرور

دمتي بخير

ـــــــــــــــــــ


اخوي وليد الفالح

شاكر لك عزيزي مرورك واطرائك

دمت بخير




خالد الغامدي
وافي الوعد

 

[تهاني سلطان]

.


الله يعَين على هالبَشـر
و أصنَافهم ..





صح لســانكـ مليــار
و صحت هالأنامل اللي كتبت
هالأحساس الرفيـع
و لاهنتْ ....




.

 

[خالد الغامدي]

هلابك اختي السديم

الله يعين الجميع

وصح بدنك

واشكر لك مرورك

دمتي بخير

وافي الوعد

 

[صالح الضويحي]

بعض البشر يفرض عليك رأيه ولا عنده خبر
وان لم تكن تتقبله في نظرته ما انته معه

ان لم تكن معي أنت ضدي .. هذه مشكلة كبيرة وان تلاشت
نوعا ما.. فالوعي الان اكثر..

صار احترامه للبشر شي يعيبه يابشر
غصبا عليك يامستمع لامن حكى لك تسمعه

لايفرض الاحترام.. الا .. الاحترام..

خالد الغامدي


حضور يستحق الاحتفاء والاحترام


تحياتي لك