((صعب تنسيني)) نبض أول..!!

[عبدالله بن صخيل]

نبض أول لصرحكم الشامخ

أتمنى أن ينال على أستحسانكم.

[POEM="font="Simplified Arabic,4,blue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]ياهاجسي لويطيب الوقـت شرعهـا=لاتلتفت للبشـر والنـاس مقفينـي
النفس لوهي تبرا مـن مضاجعهـا=ماتنحني كود شي غصـب يحنينـي
والروح لا من تدنت ويـش يقنعهـا=أمـا تعنـي البشـر ولا تعنيـنـي
أروح وأرجع ورجلي غصب اطوعها=واضحك واجامل عداي اللي تعاديني
أراجع الوقت واحرص في مراجعهـا=واجنب المعضلة مـن قبـل تأتينـي
لبيه ياللي فنونـك صعـب تجمعهـا=مضـارب القلـب لوأنـك معنينـي
الجادل اللـي تقلـط فـي مرابعهـا=راحت عليها الحسوفة واصفق ايديني
راحت عذاب لخفوقي قبـل يشبعهـا=من قبل اعرف بخفوقه شي يعنينـي
أكبر مصيبة اذا لـك قلـب بايعهـا=ماينحني عن تحـدي بينـه وبينـي
البارحة يوم كلـي رحـت أودعهـا=رجعت مدري وش اللي ناقص فينـي
صديت مابغي اناظر فـي مدامعهـا=صديت وانا اتحرا وعينهـا بعينـي
لو ان في الكون لحظة صدق تاسعها=ماتاسع اللي تمشى فـي شرايينـي
ضاقت علي المدينة مـع شوارعهـا=وانا شمالي وصدري ياسع سنينـي
لاجيت ابحصد جروح القلب واجمعها=والعبرة اللي عقب فرقـاك تبكينـي
أزريت لاجمع جروحي وانت صانعها=حتـى العناويـن يمـك ماتقدينـي
ياهاجس الشعر تكفى روح سمعهـا=ابيات شعر(ن) تخاطبهـا وترثينـي
أما تزيـن الليالـي والتقـي معهـا=ولا البخت من صغر سني معادينـي
لكـن فمـان المحبـة يامودعـهـا=تموت يمكن ولكن صعـب تنسينـي
يمكن عقب ماتـروح اقـدر ارقعهـا=واقول راجع عقب مـاراح يحيينـي
[/POEM]

.
.
.
دمتم بود

 

[سعد الجميلي]

ضاقت علي المدينه مع شوارعها=وانا شمالي وصدري ياسع سنيني




الله واكبر مااجمل النسيم الشمالي


شاعررائع اخي عبدالله

 

[سلطان ربيع]

عبدالله التومي
أهلاً وسهلاً بك
تتشرف أبعاد أدبية بتواجدك بيننا
حضورك نور وهطولك شعر معتق
فـ أهلاً بك

 

[عبدالله بن صخيل]

المشاركة الأصلية كتبت بواسطة سلطان ربيع

عبدالله التومي
أهلاً وسهلاً بك
تتشرف أبعاد أدبية بتواجدك بيننا
حضورك نور وهطولك شعر معتق
فـ أهلاً بك

أخوي سلطان الله يزيدك شرف

وانا والله أتشرف بوجودي بين النخبة الأدبية الرائعة

شكرا لك

 

[عبدالله بن صخيل]

المشاركة الأصلية كتبت بواسطة سعد الجميلي

ضاقت علي المدينه مع شوارعها=وانا شمالي وصدري ياسع سنيني




الله واكبر مااجمل النسيم الشمالي


شاعررائع اخي عبدالله

الأجمل مرورك عزيزي سعد

أهلا بك حيث ماكنت.

 

[نواف التركي]

حياك الله يا عبدالله

حضورك الأول

أكثر من رائع

صح قلبك
ودمت بخير

 

[عبدالله بن صخيل]

المشاركة الأصلية كتبت بواسطة نواف التركي

حياك الله يا عبدالله

حضورك الأول

أكثر من رائع

صح قلبك
ودمت بخير

شهادة من شاعر لايحتاج لشهادة

نواف...شهادتك وسام على صدري

صح بدنك وشكرا لمرورك العذب

 

[ميــرال]

نبض أول / مطر

عبدالله التومي
اهلاً وسهلاً بك
تتشرف أبعاد بوجودك / الــ شعر