مع الأعتذار مسبقاً للأنقياء

[نواف التركي]

.


.


.



[POEM="font="Traditional Arabic,5,blue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]

الصمت حكمه / لا أرتفع تهريج عشّاق الكلام = عمر الحكي ما كمّل الناقص ولا عزّ الذليل

لكن أليا من فسّروا صمتي ضعف ما من ملام = اللي يحرث النار بيده يصبر لـ / كوي المليل

ماني من اللي لا ضرب ضربته من تحت الحزام = ولا ني من اللي يكسبون الرزق من تحت الشليل

نفسي منزها عن الحقران وعيال الحرام = وأرضى بقسمة خالقي لو كان مقسومي قليل

منزهٍ رجلي عن الوقفه ببيبان الكرام = يوم أنهّم بلا غرض تزاحموا بغية حصيل

جربتهم .. قلبتهم في ذمتي كانوا خمام = يا سرع روغتهم ولا فيهم على الشدّه خليل

رجال خوذ رجال دام السالفه برد وسلام = وأن كان كبرت ما بهم من يبرك لحملٍ ثقيل

لا سولفوا بالكذب واحدهم يوصّلك الغمام = ولو أدّعولك نبل ما فيهم ولا واحد نبيل

ما فيهم اللي لا بغيت الحق كفو الأحترام = جنبتهم لين أدبلوا كبدي وطسّيت السبيل

(يزيد) طب السالفه عندي من بخشمه عرام = يبشر بفركة (خشّته) حتى يعرف أنه حليل

يا ما سفهت قلوبهم حتى تغشّاها الظلام = لكن صدق من قال ( مايسلم سوى من هو يعيل)

يارب طالبك العفو عن ما تقدم من أثام = يارب حدوني وأنا صبري قليل لكل ميل

الى هنا وأظن ما باقي من أسراب الكلام = ألا نصيحه (ثرثرة هالحكي ما عزّت ذليل)[/POEM]

 

[ماجد صخنان العنزي]

غضبك الحار يدفي بالشتاء
,
ما فيهم اللي لا بغيت الحـق كفـو الأحتـرام
,,,,,,,,جنبتهم لين أدبلوا كبـدي وطسّيـت السبيـل
.
ابقا وحيد يانواف حتى تكسب نواف
لن تجد اغلى منك صديق لنفسك
كفيت ووفيت وصح السانك الف

 

[عيون الشوق]

ولاني من اللي يكسبون الرزق من تحت الشليل....

كفو والله ...

ابيات تثبت قوة شاعرها لما فيها من جزاله وقوة ...

صح لسانك اخي نواف التركي

ولاهنت

 

[عبدالله ثويني المانع]

..

( مع الإعتذار مسبقاً للأغبياء )

لأني أعتبر نفسي أحدهم

ألف شكر يا نواف .. جت بوقتها

رجال خوذ رجال دام السالفه برد وسلام
وأن كان كبرت ما بهم من يبرك لحملٍ ثقيل

لا سولفوا بالكذب واحدهم يوصّلك الغمام
ولو أدّعولك نبل ما فيهم ولا واحد نبيل

ما فيهم اللي لا بغيت الحق كفو الأحترام
جنبتهم لين أدبلوا كبدي وطسّيت السبيل


..

 

[راشد لايح]

نواف التركي

صح الله لسانك مليوووووون


قصيده اكثر من رائعه من شاعر أجمل ومتألق دائماً


فلا تبخل علينا بطرحك الرائع والمميز


فدمت ودام إبداعك لنا

 

[صالح الثبيتي]

نواف التركي

صح لسانك

كعادتك مبدع كل جديد تأتي به ترتقي عند متابعيك
حتى تصل القمه وها انت متربع هناك

خالص الود
صالح الثبيتي

 

[حسين آل صمع]

الى هنا وأظن ما باقي مـن أسـراب الكـلام
ألا نصيحه (ثرثرة هالحكي مـا عـزّت ذليـل)

بعض القصائد تأتيك بكامل الشعر


وهذه احداها


ربما نحلم بطهارة الكلام ونتطهر بهذا الجمال


صح كلك


مودتي

 

[العـنود ناصر بن حميد]

.
.

لولا خوفي على قلبك

لقلت

دمت في غضب

.
.

هذا النص لايحتاج للتصفيق

أو التطبيل

هو رصد لواقع مؤسف

بكل صدق
.
.


ولكن التعميم جائر

فهناك من يستحق الإحترام

وأنت أحدهم

دمت بكل خير