رذاذ وملـــــــح

[عون القحطاني]

احبتي
ربما تكون هذه المشاركة قديمة
ربما لا ترقى لذائقتكم
ولكني احبها بصدق
فاقبلوها كما هي
.....

كانت مجرد صوره
شمعه ..
طاوله ..
ظلام ..
ومحبرة من دون ريشه ....!؟
فكانت هذه الصورة ريشة لرسم هذه المشاعر
هنا بين أيديكم ..

سلام ..
ولا على الدنيا سلام ..
تركتني .. وين انت يالنور
تركتني .. مع اسراب الظلام
وصمت الاماكن ..
والالم والجور ..
والدروب الموحشه .. والخطاوي مستوحشه
تركتني ..امشي اخر شعور
على اطراف هالصوره
تركتني .. اكتب آخر حضور
لحروف اسمي .. والصوره المكسوره
تركتها ختمي

[POEM="font="Traditional Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""](الطاولـه والشمـع والليـل الاسـوّد = يلفّهـا صمـت المكـان وسكونـه )
مديـت شوفـي يمّكـم ثـم عــوّد = حمـلٍ ثـقـيلٍ ماتشيـلـه متـونـه
ومـن عادتـي لسـج ليلـي وهـوّد = اجـر قـافٍ مطـرِقٍ فـي لحونـه
برق السـواري وغيمهـا يـوم نـوّد = هلت رذاذ وملـح جرحـي طعونـه
قلت الحزن .. قالـوا عليـه اتعـوّد = قالوا الفرح .. وش لون هم يكتبونه ؟؟
وانا كتبت اسمي مـع الليـل الاسـوّد =ويلفّهـم صمـت المكـان وسكـونـه[/POEM]

هنا على اطراف هالصوره
شفت اخر خيوط النور ..
حدودها شمعه ..
ولو هلت الدمعه .. حبيبتي
ينطفي كل المكان ..
حبيبتي ..ودموعك دموعي
حبيبتي ..هذي آخر شموعي
لاتنطفي ..
ويختفي كل المكان
حبيبتي ..
ماعلى الدنيا امان
رجعّي لي النور ..
ارسمي لي شعور ..
كسري هالسور ..
سور الظلام القاسي الجبار ..
كل الذنوب كبار ..
في دفتري .. سوالفي اشعار
تركتها لك تحت هالصوره
تركت لك آخر حضور
لحروف اسمي .. والصوره المكسوره ..
تركتها ختمي