حــــبـــيـــبـــتـــي نـــــــجـــــــــد

[ناصر آل شهوان الهاجري]

السلام عليكم ورحمة الله وبركاته



نبض اولي وعساها تنال ولو بعض إستحسانكم


[POEM="font="Simplified Arabic,4,blue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]ياراس مالي دق سلف الجديدي = وشيَك على زيته وشيَك على ماه

ومر المحطه صب لإبن الحديدي = بترول سوبر كل خزان عباه

تلَه توجه صوب منفذ بعيدي = 90 كيلو بينكم واحلالاه

وإحذر على خطك بسرعه تزيدي = الخط شين من البدايه ألى أتلاه

وإلى وصلت المنفذ ابرز وحيدي = اللي عليه اختام دولة قطر جاه

يختم خروجك من ديار الفريدي = (إبن تميم العز..ابو مشعل فداه)

(كل الرقااااب وعمرنا لو مديدي = يبشر بنا في حزة الضيق ننصاه)

ولاتبطي بسلوى وود البريدي = وراك خط ٍ يتعب الناس ممشاه

وإلى مسكت الخط اصبحت سيدي = اضغط على الدعسه..ولاتقصر خطاه

الخط واسع وانت مالك نديدي = على جديدٍ .. صعب يوجد حلاياه

ولامن لفيت ديار الأحسا وكيدي = ودوارها الثاني..تياسرت..وياه

خلك مع اللوحات..هذا مفيدي = إلين تطلع واحكم الدوس وإصلاه

ومر المحطه ..عب له يالوليدي = تسلم من التأخير والخط نبغاه

وإنصى خريص وطالبك ياعضيدي = الخط واحد ...(والمطايا)..تمثناه

وأرفق يامحزم ناصر أنت الرصيدي = وافهق خريص لمفرقٍ لاقربناه

اربط حزامك خل كنك طريدي = من فوق خط ٍ ..كنه اللي تمناه

طول على (محمد) بصوت ٍ شديدي = على أغنية( حبيبتي نجد) بالله

ولايشغلك ياخوك بالخط (سي دي) = وماجدت من سرعه فحنا طلبناه

خط ٍ وسيع يقول هل من مزيدي = فيها (المواتر بالمجاكر مظراه)

تل الحديد ابن الحديد الشريدي = نيسان بترول ٍفريد ٍ بالاشباه

صنعة هل اليابان فكر ٍ عنيدي = موديل سنته من حفيزه شريناه

لامر مقفي قلت علبا صعيدي = من نسل (عمُده) بالمعيشه..تولاه

خل المواتر خلف زولك تعيدي = تقرا قطر في لوحته او محياه

وأحذر من التفتيش حاسب بعيدي = وأخلص وتله لاتحنه وترفاه

لاشفت أنوار الرياض السعيدي = ردد وقل جاكم رسولي من اقصاه

أضررررب سلام ٍ منبعه من وريدي =تحيه ٍ من أول الدار لـ أتلاه

خفف مسيرك عل عينك تصيدي = مفرق يمينك عل محنا فهقناه

وإلى لقيته أسلكه لاتحيدي = وتوسط ديار ٍ بها الروح مهداه

قل للشوارع والعماير شهيدي = على محبتكم إلــــــه ٍ عبدناه

وإحذر من التأخير ذالليل عيدي = ياطارش ٍ من جد لا لا عدمناه

رح وصل إحساس ٍ يترجم قصيدي = سلم على ..ريم النفود..المخباه

وإقرى عليه الخط نزف الصديدي = قله من ديار.. التميمي .. جلبناه

من شاعر ٍ بالقاف قوله رشيدي = وفي كل شامخ لابغيته بتلقاه

فكره يصوغ الحرف وأيضا ً يجيدي = ياصاحب ٍ لو صد فالعين سكناه

الشوق خلا عضام صدري جريدي = والحب ..ماله طب.. لونا ..كويناه

كن المشاعر يم غيرك جليدي = مفصولة الأسلاك كنها مطفااه

وإحساسي لغيرك يسمى بليدي = وأنت الذي لو غبت لحظه ضميناه

كم مرة ٍ يسريك فكري وحيدي = مع غفلة النايم ..حبيبك ومركاه

أنا اشهد انك نلت كلي وبيدي = مديت لك قلب ٍبحبك بريناه

وإن كان ماشفت الغرام بقصيدي= وما لامست جوفك بيوتي نسيناه

نسيت طاري الشعر يا أغلى فريدي = ومن صفحة..الديوان..إسمي شطبناه

لأنك سريت بوسط دم الوريدي = والشعر جالك ..يا أدعج العين برظاه

يانكهة أبيات.. الغزل ..في قصيدي..= يآآآآآخر محطاتي.. ليامن ذكرناه

ياغاااالي ٍ جانا على مانريدي = يا مالك إحساسي وشعري ومبداه

أصبحت انا عقبك سواة الوليدي = اللي فقد ذرة محبه بدنياه

وختامها بالمسك والعود زيدي = ريح الورود اللي من القلب مهداه

صلى الله الرحمن دومٍ لسيدي = أفظل صلاة وسلم وعد ما جباه

تسجد لربي من قريب وبعيدي = اللي أمامه يستوي الفقر..والجاه

على رسول ٍ بالخصايل يبيدي = كل القوافي ..ماتوفيه..لله

وأرجوا السموحه ..لو يقصر جديدي = (وياطارش ٍ عل المنايا تعداه )

لاااااااهنت يامحزم اخوك وعضيدي = ياطارش ٍ من جد لالا عدمناه[/POEM]




وسلامتكم

 

[سلطان ربيع]

ناصر الهاجري
أهلاً وسهلاً بك
تتشرف أبعاد أدبية بتواجد حرفك الرائع
حضورك نور ياناصر .

 

[نواف التركي]

ناصر الهاجري


حياك الله في أبعاد أدبيه , سعيدين بهذا الحضور / النور

ومن قطر الى الرياض مسافه عامره بالحب والشوق


صح قلبك

ودمت بخير

 

[نايف السعدي]

ناصر الهاجري
اهلابك بيننا في ابعاد
حضور مميز
صح قلبك

 

[العـنود ناصر بن حميد]

ناصر الهاجري

أهلاً وسهلاً بك

سعداء بتواجدك بيننا

صح قلبك

 

[عبدالله السويدان]

ناصر الهاجري

وقصيدة رائعه جدا


نص فريد من نوعة حقيقة


وقدرت شاعر مدهشة


الف مرة لله درك وصح لسانك

 

[اورنس الهذال]

ياناصر

ياهلا يامرحبا بك يالغالي

وحياك الله في ابعاد

وصح لسانك

وبإنتظار المزيد

دم بخير

 

[نـــجد]

من ديار أبو مشعل لديار أبو متعب
ويصدح محمد عبده " حبيبتي نجد"
قصيدة فيها ملامح حب وطاغي أخوة
وتفاصيل رحلة بمشاعر شاعر

ناصر الهاجري
صح نبضك الذي يعانق السماء في هذه الرائعة