الشعر

[ممدوح العفري]

في البداية اشكر القائمين على منتدى أبعاد أدبية على منحي شرف الانضمام الى هذا الصرح الشامخ
احببت ان اصافحكم بهذا النص المتواضع جداً


شاعر وعندي مشاعر واعترف بالشعور
واللي ماعنده مشاعر ليش يكتب شعر ؟!

ما كرهن بالقصيد الا قصار الشبور
كم شاعرٍ عن جزيل القاف شعره قصر

كم شاعر ٍ مبدع ٍ ما هو يحب الظهور
بأسباب واحد ما يفهم شعر لكن ظهر

لاشك و الحظ يلعب ياهل العرف دور
كم واحدٍ ساعده حظه و واحد عثر

وانا اكتب الشعر من طنخه ودمي يفور
واحيان ما اطيق من جزل القصايد شطر

اخاصم الشعر و يصيب الخصومه فجور
واحيان اهدي واقول احوّل ليش انفجر

وان روق الفكر سجلت القصايد سطور
وابدعت جزل المعاني في حليِّ القمر

عنق المها اللي بها طبع الكبر و الغرور
منها البنات العذارى صابهن القهر

بنت بدوي ٍ على كسب المراجل جسور
واخت اصوكٍ عند ربعه بالشدايد ذخر

فيها من الحسن ما يوجع ذوات الخدور
من منتق العنق لين العود لين الخصر

لا جات في محفل ٍ تلفت عيون الحضور
ما كن احد غيرها للحفل هذا حضر

يا ويلها عذبت قلب الشجاع الغيور
حتى كتب في شبيه الريم جزل الشعر

ممدوح العفري