قولي صباح الخير يحكي لك الفل
عن قصة المنفى وتعتيم الآمال
وجهك سحابٍ بَش وعيونك الطّل
وانا شعورٍ طاح بيّديك رحال
انا بدوي يافتنة التيّه والدّل
توجعني الذكرى وتقتلني الأطلال
أخفي العباير خايف الدمع لا هل
يفضح مساري غربتي حين ينهال
ربعي مرابط خيلها اسطبلها مل
من واقعٍ مشؤوم والصمت به طال
خذي سنيني جعلني لناظرك ظل
حيّك تقهويني وانا عمري دّلال
هل السيوف اللي على الضيم تنسل
ماكنها صالت ولا طالت أفعال
يوم إنها كانت غزو خيّلٍ وبل
كم هزت عروشٍ ودانت لها ابطال
مابه صهيل ولابعد غاره تّشل
ولابه صناديدٍ ولا باقي رجال
عمر البدو يابنت ماتشرب الذل
واليوم تشرب من فناجين الإذلال
اللي بدون وغربته مالها حل
واللي بطاقه نازحه لآقت اهمال
آخر المشاركات
11-14-2018, 07:31 PM
تعتيم وآمال
العرض الشجري