(( بحر الكرامة ))

[رضا الهاشمي]

غيبي ولكن باسمك القلب هتاف

يبقى ويبقى الدمع في راحتيني




يامن لقلبي كنتي يا عمري إغلاف

ما عاد تزهر دون شوفك سنيني




و ما عاد تحمل ثقل فرقاك الأكتاف

ما دام هدت ايد وصلك يديني




يا ذا الملاك اللي خطف سرب الأطياف

يا شمس كانت تضوي المشرقيني




روحي ي روحي كن لفواد ما شاف

روحي و دمع العين يغتال عيني




كنت ف وجودك يا غلا الروح ما خاف

وصار ف هجير الصد يعرق جبيني




يا تاج حسن ن مرتكز فوق الاوصاف

يا نور سحر ن مخجل الفرقديني




غبتي و شوق القلب في البعد سياف

والهجر سيف ايحز حبل الوتيني




جثمان صبري و غربة اغيابك اسعاف

ما يختلف ونانها عن ونيني




عن قبر شوقي لا تسالين الأوقاف

قبره ف مقابر تدفن العاشقيني




ما عاد تكتب لهفتي واللقا جاف

خانت سطور الوصل صفحة حنيني




قمري الجفا يسجع على فارع الغاف

غنى وغنت لك دموع الحزيني




بيرق غلاتك برفعه لين ينشاف

في البدر لو قطعوا يساري و يميني




لأن الوفا فيني لو ان ينشب اخلاف

تبقى المحبة بين قلبك و بيني




يوم الحشى دونك من الناس قد عاف

قررتي من عقب اللقى تتركيني




عادي اتركيني من وفى دوم ينعاف

واللي اختفى خلف الكبر ما يبيني




دام التغلي ف مركب الوصل مجداف

بحر الكرامة ايقول لا تبحريني