الموقف

[عبدالله البطي]

يا اطفل الالحان في صوت بالي
من وين ماشوف الاماكن اشوفك
لو غبت تبقى يا اطيب الناس غالي
وان جيت نادر في عيوني وصوفك
خليتني يازين عدت ليالي
اسامر الاطياف والمح طيوفك
مايشبهك نجم علينا يلالي
نجم السما مازاه وصفي حروفك
انتي خذيتي غايتي واحتمالي
وانا خذيت الشك بسباب خوفك
مدري سبب خوفك كلامي وحالي
والا الزعل يسكن معاليق جوفك
بادلتك الحب وحشمت الوصالي
ومشيت لك واعطيت قلبي وقوفك
مدري قدر والا الزمن ماوعالي
ولا الحظوظ القشر تمنع كفوفك
بقولك موقف حزينن طرالي
بقوله وقولي سبايب عزوفك
وقبل اني اقوله منعني سؤالي
سؤال عن سبة جفاك وضروفك
ان كان ضرف وبهدلك ياحلالي
معذور وادري كان ضرفك يحوفك
وان كان جفوك عامدن لارتحالي
قبل الجفا شوقي وهمي ولوفك
لو القهر كاره خطاه انتمالي
لاتجبر الضيم لدروبي بشوفك
كل لون فالدنيا بعيني مضالي
الموف لونك كل الالوان موفك
والموقف الي ماعطيته مجالي
متخاشرن فمي وساكن رفوفك

 

[ساره عبدالمنعم]

مبدع يا عبدلله
سلمت

 

[بلقيس الرشيدي]

يِصح إحسَاسك ياعَبدالله وسَلم البَنان .
كُل التقدِير